Ułada

Pieramieny ŭ Miniuście: ministram pryznačyli siłavika. Za što źniali Śližeŭskaha i što budzie dalej?

Aleh Śližeŭski — adzin ź niešmatlikich biełaruskich čynoŭnikaŭ, jakija zmahli pratrymacca ŭ ministerskim kreśle až dziesiacihodździe. Jon uznačaliŭ Ministerstva justycyi jašče ŭ 2011 hodzie. U haračy paślavybarny hod, zdavałasia, ministr demanstravaŭ poŭnuju łajalnaść, bieśpiarečna vykonvaŭ zahady i davaŭ ideałahična pravilnyja kamientary. Taksama pry im prajšli «čystki» advakatury, kali vialikuju kolkaść abaroncaŭ pazbavili licenzii za «nie tyja» słovy abo ŭdzieł u palityčnych spravach, a paśla byŭ pryniaty i novy zakon ab advakatury, jaki maksimalna ŭskładniŭ pracu dla niedziaržaŭnych advakataŭ. Padtrymaŭ Miniust i razhrom niedziaržaŭnych arhanizacyj. Ale ž u vyniku Aleh Śližeŭski trapiŭ u sumny biełaruski trend i staŭ čarhovym čynoŭnikam, jaki sastupiŭ svaju pasadu eks-siłaviku — miesca ministra zaniaŭ były namieśnik ministra ŭnutranych spraŭ Siarhiej Chamienka. «Naša Niva» paprasiła prakamientavać hetaje kadravaje rašeńnie jurysta i byłoha advakata Andreja Mačałava.

«Śližeŭski byŭ zvyčajnym biełaruskim čynoŭnikam. U maim usprymańni, jaho nielha nazvać značnaj ci admietnaj fihuraj, nielha nazvać refarmataram. Zvyčajny i typovy dziaržsłužačy.

Aleh Śližeŭski

Za što jaho mianiajuć? Heta adlustravańnie siońniašniaj situacyi ŭ krainie. Dla jurystaŭ i advakataŭ ciapier vielmi dziŭna, što były namieśnik ministra MUS, navat biez vyšejšaj jurydyčnaj adukacyi, raptam stanovicca ministram justycyi. Akcenty zrazumiełyja na 100 pracentaŭ.

Chodziać čutki, što da Śližeŭskaha było vielmi šmat pytańniaŭ: maŭlaŭ, reahavaŭ nie tak chutka, jak patrabavałasia, i nie tak rezka i radykalna.

Bo byli vypadki, kali kalehii nie pazbaŭlali advakataŭ licenzii, paśla Miniustu prychodziłasia samomu hetym zajmacca, u vyniku prachodzili miesiacy. A ad Śližeŭskaha, pa čutkach, jakraz i patrabavałasia imhnienna heta rabić.

Tamu, napeŭna, i vyrašyli pastavić na jaho miesca milicyjanta, kab jon rubiŭ, jak siakieraj», — kaža Mačałaŭ.

Adznačym, što ŭskosna hetyja čutki paćviardžajucca i nastaŭleńniem ad Łukašenki, jakoje toj ahučyŭ Chamienku, akcentavaŭšy, što ŭ Miniuście chapaje dobrych jurystaŭ, ale ŭ bližejšy čas buduć patrebnyja «mocnyja arhanizatary, kiraŭniki».

«Patrebnyja vielmi addanyja ludzi, dyscyplinavanyja, nakiravanyja na vyrašeńnie pytańniaŭ. Nielha siońnia ličyć da dvaccaci, da dziesiaci ci navat da troch. Treba prymać rašeńni ci realizoŭvać pryniatyja rašeńni. Prava na pamyłku ŭ vas niama», — skazaŭ Łukašenka.

Siarhiej Chamienka na sustrečy z Łukašenkam

Ale čaho čakać ad novaha «mocnaha arhanizatara» i «kiraŭnika»?

«Novy ministr dla mianie absalutna novy i nieznajomy čałaviek. Ale čaho čakać ad jaho, taksama zrazumieła — adnaznačna zakručvańnia hajek. Kali milicyjant prychodzić na pasadu ministra justycyi, inšaha čakać nie varta, akramia ŭžo kančatkovaha źniščeńnia advakatury i pieraŭtvareńnia jaje ŭ farmalny orhan», — reziumuje Andrej Mačałaŭ.

Kamientary

Banki źnižajuć prybytkovaść pa valutnych depazitach da 0,1%. Tłumačym matematyku

Banki źnižajuć prybytkovaść pa valutnych depazitach da 0,1%. Tłumačym matematyku

Usie naviny →
Usie naviny

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

Minsk siońnia pajšoŭ pad vadu FOTY13

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

bolš čytanych navin
bolš łajkanych navin

Banki źnižajuć prybytkovaść pa valutnych depazitach da 0,1%. Tłumačym matematyku

Banki źnižajuć prybytkovaść pa valutnych depazitach da 0,1%. Tłumačym matematyku

Hałoŭnaje
Usie naviny →