SAAZ rekamiendavała paŭtornuju vakcynacyju ad kavidu dla ludziej z asłablenym imunitetam
Ekśpierty Suśvietnaj arhanizacyi achovy zdaroŭja (SAAZ) paraili ŭvodzić dadatkovuju dozu vakcyny ad karanavirusa ludziam sa słabaj imunnaj sistemaj. Z takoj rekamiendacyjaj vystupiła stratehičnaja kansultatyŭnaja hrupa SAAZ pa imunizacyi.
Dadatkovy ŭkoł luboj vakcynaj, uchvalenaj SAAZ, treba prapanoŭvać ludziam z umierana abo mocna asłablenym imunitetam, pakolki jany schilnyja vysokaj ryzycy ciažkaha zachvorvańnia, i ŭ ich vypadku standartnaj pieršasnaj vakcynacyi moža być niedastatkova, ličać ekśpierty.
Kansultatyŭnaja hrupa taksama rekamiendavała ludziam starejšyja za 60 hadoŭ, pryščeplenym kitajskimi vakcynami ad Sinovac i Sinopharm, atrymać treciuju dozu praz adzin — try miesiacy paśla vakcynacyi. Ekśpierty patłumačyli hetu paradu danymi daśledavańnia ŭ Łacinskaj Amierycy, jakija śviedčać ab tym, što z časam efiekt ad hetych pryščepak u starejšych uzrostavych hrupach źnižajecca. Pry hetym u vypadku z kitajskimi vakcynami ŭ SAAZ dapuścili vykarystańnie inšych adobranych preparataŭ u jakaści treciaj dozy.
«Pry vykanańni hetych rekamiendacyj krainy pavinny pieršapačatkova imknucca da maksimalnaha achopu hetaj hrupy nasielnictva (60+) dvuma dozami vakcyny, a zatym pryznačać treciuju, pačynajučy z samych starejšych uzrostavych hrup», - havorycca ŭ zajavie ekśpiertaŭ.
Va Ukrainie zahinuŭ biełaruski dobraachvotnik Haz2
Kamientary