Hramadstva

Bolš za 110 biełarusaŭ mohuć adnačasova sieści za kamientary pa «spravie Zielcera». Spytali jurysta, čaho čakać

Paśla trahiedyi na Jakuboŭskaha, u vyniku jakoj zahinuli supracoŭnik KDB Dźmitryj Fiedasiuk i ajcišnik Andrej Zielcer, pa ŭsio krainie prajšli masavyja zatrymańni ludziej, što pakidali niehatyŭnyja kamientary na adras pieršaha. U samim MUS adrapartavali, što ŭžo vyjavili bolš 200 takich kamientataraŭ.

Siońnia stała viadoma pra minimum 116 čałaviek ź ich liku, jakija nie vyjšli na volu paśla troch sutak. Usie jany ličacca padazravanymi ŭ miežach kryminalnych artykułaŭ. Paprasili advakata prakamientavać taki razmach.

Pavodle dadzienych vałancioraŭ «Viasny», da zatrymanych ci adrazu prychodzili z pastanovami na pieratrus pa artykułam KK 369 «Abraza pradstaŭnika ŭłady» i 130 «Raspalvańnie sacyjalnaj varožaści», ci pra sutnaść padazreńnia rabiłasia viadoma paźniej - ad advakataŭ.

Unikalnaj stała situacyja z žurnalistam «Kamsamołki» Hienadziem Mažejka, jaki napisaŭ artykuł pra ajcišnika Andreja Zielcera.

Pa infarmacyi MUS, žurnalist nibyta chacieŭ vylecieć u treciuju krainu, ale byŭ vymušany viarnucca ŭ Biełaruś, bo jaho «pryznali niepažadanym na terytoryi Rasii». U vyniku Mažejku zatrymali na terytoryi Biełarusi. Siońnia paćvierdziłasia, što žurnalist staŭ padazravanym pa tym ža dvum artykułam KK.

U zvyčajnaj situacyi artykuły 369 i 130 praduhledžvali b da troch (plus štraf) i piaci hod źniavoleńnia, kali brać maksimalnaje pakarańnie. Ale, što admietna, u adnosinach da taho ž Mažejki havorka idzie pra 3-ju častku 130 artykuła. Heta ŭžo złačynstva, ździejśnienaje «hrupaj asob», z maksimalnym pakarańniem da 12 hod paŭzbaŭleńnia voli.

Jak nam stała viadoma ad niekalkich advakataŭ, jakija pradstaŭlajuć intaresy zatrymanych, ich klijenty prachodziać u miežach adnoj, ahulnaj kryminalnaj spravy. I jość vierahodnaść, što pa adnoj spravie mohuć prajści i astatnija zatrymanyja. 

Ci jość šaniec, što niechta z hetaj vialikaj kolkaści zatrymanych usio ž vyjdzie na volu bližejšym časam?

Juryst Andrej Mačałaŭ ličyć heta całkam vierahodnym.

«Niechta budzie vychodzić, bo ja nie ŭjaŭlaju, jak možna bolš za 100 čałaviek pakinuć za kratami. Pytańnie tolki ŭ tym, chto heta budzie i kali. Na siońnia situacyja vielmi emacyjna napružanaja, składana niešta prahnazavać.

Mnohija kamientary, praź jakija ludziej zatrymlivali, my nie bačyli, ale tyja, jakija ŭspłyvali ŭ ŚMI, ci toj ža materyjał žurnalista «KP» — u ich i blizka niabačna abraz pradstaŭnika ŭłady ci raspalvańnia varožaści. Składvajecca ŭražańnie, što chacieli zatrymać nie stolki za niehatyŭnyja kamientary, a prosta ŭsich, chto ŭvohule choć niejak abmiarkoŭvaŭ hetuju temu».

Pa słovach Andreja Mačałava, ciapier adčuvalny niedachop advakataŭ, jakija mahli b dapamahać takoj vialikaj kolkaści ludziej adnačasova. Takaja ž situacyja moža naziracca i ŭ śledčym aparacie. 

«Znajści adrazu niekalki dziasiatkaŭ śledčych na novuju spravu — značyć, chutčej za ŭsio, adciahnuć ich ad inšych spraŭ», — kamientuje Andrej Mačałaŭ. — Kali ŭsio ž za kamientary budzie asudžanaja vialikaja kolkaść ludziej, heta budzie novaj eskałacyjaj represij. Spadziajusia, łohika i ŭzvažanaja pazicyja, kali emocyi ścichnuć, u vyniku pieravažać: niemahčyma kamientarom raspalić varožaść».

Čytajcie taksama: 

 «Muž šapnuŭ: «Heta KDB». Jak zatrymlivajuć biełarusaŭ za kamientary

Kamientary

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom

Usie naviny →
Usie naviny

«Zasnuli na Kalinoŭskaha, pračnulisia na Mašerava». U Kobrynie za noč prybrali pakazalniki z proźviščam Kalinoŭski VIDEA2

Hramadzianina Hiermanii prysudzili ŭ Biełarusi da rasstrełu14

Źnikłaha ŭ Polščy biełarusa znajšli ŭ Varšavie źbitym i biez dakumientaŭ10

«Vada pranikła ŭnutr, zapoŭniła sałon mnie pa pojas, ruki treślisia». Chto taja dziaŭčyna z zapaminalnaha fota minskaha patopu3

U Biełarusi pačałasia pieradvybarčaja ahitacyja za Łukašenku FOTAFAKT32

Suśvietnyja ceny na kavu bjuć rekordy. Košt vašaha łate pad pahrozaj5

Vatykan pryznačyŭ lidskaha ksiandza Andreja Znoska biskupam. Roŭna hod tamu jaho zatrymlivali siłaviki

Stała viadoma, u čym padazrajuć Ramašeŭskuju, Dzikavickaha i inšych top-mieniedžaraŭ «Biełsata»20

U Italii žurnalistku aštrafavali za žarty pra rost premjer-ministra Miełoni — heta paličyli bodyšejminham1

bolš čytanych navin
bolš łajkanych navin

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom

Hałoŭnaje
Usie naviny →