Hramadstva

Kreml pa spravie zatrymanaha žurnalista «Kamsamołki»: «Pakul niama adčuvańnia, što ŭ Minsku čujuć našu pazicyju»

Žurnalist «Kamsamolskaj praŭdy» Hienadź Mažejka byŭ zatrymany 1-ha kastryčnika. Heta zdaryłasia paśla taho, jak byŭ apublikavany jaho artykuł z uspaminami byłoj adnakłaśnicy pra Andreja Zielcera, jaki zastreliŭ supracoŭnika KDB. Sajt «Kamsamołki» ŭ Biełarusi paśla hetaha byŭ adrazu ž zabłakavany. Aficyjnuju infarmacyju nakont zatrymańnia žurnalista tak i nie apublikavali. Siońnia pra situacyju znoŭ vykazaŭsia Kreml.

Hienadź Mažejka. Fota: ułasny archiŭ

«Kreml dakładna abaznačyŭ svaju pazicyju pa błakiroŭcy «KP v Biełoruśsii», čakaje admieny abmiežavańniaŭ, pakul niama adčuvańnia, što ŭ Minsku čujuć našu pazicyju», — raskazaŭ «RIA Novosti» pres-sakratar Pucina Dźmitryj Piaskoŭ.

Jon adznačyŭ, što ŭ Pucina jość infarmacyja pra situacyju vakoł vydańnia i zatrymańnia žurnalista Mažejki. Taksama Piaskoŭ adznačyŭ, što ŭ Kramli nie vałodajuć dakładnaj infarmacyjaj, dzie byŭ zatrymany žurnalist.

Piaskoŭ taksama zajaviŭ, što takija dziejańni suprać presy nielha ŭchvalać, ale ŭ Kramli nie viedajuć detalaŭ. Jon dadaŭ, što pakolki havorka idzie pra hramadzianina Biełarusi, Maskva de-jure nie moža abaraniać jaho intaresy.

Kab dadatkova razabracca ŭ situacyi i vyśvietlić usie abstaviny, siońnia ŭ Minsk z Maskvy nakiravali pradstaŭnika hałaŭnoha ofisa «KP», zahadčyka adździeła palityki Valancina Ałfimava. 

Pakul Valancin Ałfimaŭ daviedaŭsia tolki pra toje, što siońnia z Mažejkam musić sustrecca śledčy.

Dahetul niama aficyjnych kamientaroŭ nakont taho, dzie dakładna znachodzicca Mažejka i ŭ čym abvinavačvajecca. Adzinaja krynica infarmacyi — vałanciory i jaho maci, jakaja raspaviała, što ŭ kvatery syna praviali pieratrus.

U pastanovie było paznačana dva artykuły KK: 130 č. 3 (Raspalvańnie rasavaj, nacyjanalnaj, relihijnaj albo inšaj sacyjalnaj varožaści) i art. 369 (Abraza pradstaŭnika ŭłady). Pry hetym na samim pieratrusie žurnalista nie było: miarkujecca, što jaho zatrymali ŭ Maskvie i adtul dastavili ŭ izalatar na Akreścina. Ale chto ažyćciaŭlaŭ hetuju apieracyju, taksama nieviadoma. Advakaty da Mažejki na ciapierašni momant tak i nie patrapili.

U svaju čarhu, Biełaruski sajuz žurnalistaŭ zahadkava paviedamiŭ, što vałodaje infarmacyjaj pa zatrymańni Mažejki, ale pakul nie ahučvaje, tamu što jana nibyta moža pahoršyć stanovišča žurnalista ŭ ciapierašni momant.

Pry hetym Sajuz žurnalistaŭ Rasii na čale sa staršynioj Uładzimiram Sałaŭjovym zaklikaŭ nieadkładna vyzvalić žurnalista, nazvaŭšy jaho zatrymańnie «ciskam na rasijskija miedyja na terytoryi sajuznaj dziaržavy».

Niehatyŭna pra aryšt žurnalista vykazalisia takija miedyjnyja piersony, jak hałoŭny redaktar telekanała RT Marharyta Simańjan, rasijski žurnalist Alaksandr Koc i rasijski błohier Illa Varłamaŭ.

«Łukašenka praciahvaje źnievažać Rasiju. Jon začyniaje «lubimuju hazietu Pucina», vykradaje žurnalista vydańnia prosta ŭ stalicy Rasii i kidaje jaho ŭ kletku. I jon vydatna razumieje, što nichto jamu ničoha nie zrobić. Łukašenka znajšoŭ słaboje miesca Kramla, znajšoŭ tuju samuju ihołku ŭ jajku. Jon pradaje Maskvie strach pierad Majdanam: kiniecie mianie, budzie ŭ vas druhaja Ukraina. A z takim tavaram možna navat braterskuju Rasiju źnievažać, nie pieražyvajučy za nastupstvy. Kredyty pastupiać svoječasova. Nie sumniavajciesia», — napisaŭ apošni.

Deputat Dziarždumy Kanstancin Zatulin nazvaŭ toje, što adbyvajecca, praciaham reakcyi biełaruskich uład na pratesnuju aktyŭnaść nasielnictva.

«Heta nie pavinna rabicca indulhiencyjaj na pryhniečańnie žurnalistyki ŭ krainie», — prakamientavaŭ jon ŚMI.

Sam hałoŭny redaktar «KP» Uładzimir Sunhorkin nazvaŭ aryšt supracoŭnika «samavolstvam, nieadekvatnaj reakcyjaj na absalutna niavinnuju natatku». Raniej taksama błakiroŭku «Kamsamołki» asudziŭ pres-sakratar Pucina Dźmitryj Piaskoŭ, nazvaŭšy jaje parušeńniem svabody słova. 

Kamientary

Niemiec, prysudžany da rasstrełu, datyčny da dyviersij? Voś što za historyja heta mahła być4

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie17

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych17

«Pa vychadnych navat čerhi». U Minsku adkryłasia «kaśmičnaja» zona adpačynku ź biaspłatnym viarovačnym haradkom

U Lvovie stralali ŭ palityka Irynu Faryjon. Jana ŭ krytyčnym stanie18

MZS Hiermanii paćvierdziŭ infarmacyju pra śmiarotny prysud svajmu hramadzianinu ŭ Biełarusi5

Kiraŭnik «Biełsata» adkazaŭ na abvinavačańni ŭ finansavych złoŭžyvańniach na kanale

Zasnavalnik Jandeksa daŭ pieršaje intervju paśla ŭciokaŭ z Rasii. Pryznaŭ svaje pamyłki10

U Vaŭkavysku zatrymali maci i ciotku anarchista Franckieviča. Jany pryvieźli palitviaźniu pieradaču4

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być4

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →