Hramadstva

Arhanizatar kancertaŭ u Minsku abvinavačvajecca ŭ machinacyjach na miljon dalaraŭ

Pradprymalnik ź Minska abvinavačvajecca ŭ machlarstvie, kradziažy šlacham złoŭžyvańnia słužbovymi paŭnamoctvami, a taksama ŭ padbuchtorvańni da davańnia chabaru, paviedamlaje Hienprakuratura.

Abvinavačany byŭ zasnavalnikam i dyrektaram niekalkich firmaŭ. Ź vieraśnia 2016 hoda pa luty 2019 jon uziaŭ u doŭh pad dahavor pazyki ŭ šaści paciarpiełych 700 tysiač dalaraŭ dla kancertnaj dziejnaści i budaŭnictva. Pry hetym jaho metaj było zavałodać 1,1 miljona dalaraŭ. Dla ŭviadzieńnia ŭ zman i nadańnia zakonnaści svaim dziejańniam jon zaklučyŭ z paciarpiełymi ad svajho imia i TAA «D.» dahavory pazyki, jak paviedamlaje Hienprakuratura.

Jon ža sa žniŭnia 2018 hoda da vieraśnia 2019 hoda skłaŭ i padpisaŭ ad imia zasnavalnika i dvuch rabotnikaŭ damovy ab vydačy pazyk — heta dazvoliła jamu na padstavie padroblenych dakumientaŭ atrymać bolš za 800 tysiač rubloŭ, jakija naležali pradpryjemstvu.

Daviedaŭšysia ab zapłanavanym na listapad 2019 hoda turach muzyčnaha hurta Scorpions pa haradach Rasii i Ukrainy, abvinavačvany prapanavaŭ arhanizataru kancertaŭ pravieści kancert 15 listapada 2019 hoda na «Minsk-arenie» i aformić dla hetaha kantrakt. Dziakujučy hetamu 180 tysiač rubloŭ, atrymanych ad realizacyi biletaŭ na Scorpions, pastupili na rachunak jaho firmy.

Minčuk taksama abvinavačvajecca ŭ zamachu na machlarstva. Pa materyjałach spravy, u minułym hodzie jon prapanavaŭ arhanizataru fiestyvalu ŭ Ščučynie pravieści kancert adnaho hurta. Dla hetaha jon pierakanaŭ paciarpiełaha pieradać jamu 5 tysiač jeŭra pieradapłaty (ahulnaja suma hanararu składała 33 tysiačy jeŭra), jakuju, pavodle damovy, byŭ abaviazany viarnuć u vypadku, kali vystup nie adbudziecca.

Apošni epizod u kryminalnaj spravie pradprymalnika — heta padbuchtorvańnie da dačy chabaru. Abvinavačany razam z partnioram schilaŭ inšaha biznesmiena pieradać im 1,8 miljona dalaraŭ nibyta dla pieradačy chabaru słužbovym asobam roznych uzroŭniaŭ dla vyrašeńnia pytańnia ab vydzialeńni ziamielnaha ŭčastka pad budaŭnictva žyłoha doma.

Ad zapytanaj sumy paciarpieły pieradaŭ tolki 75 tysiač dalaraŭ. U toj ža dzień abvinavačanych zatrymali.

Usie atrymanyja niezakonnym šlacham hrošy abvinavačany traciŭ na svaje mety i nie źbiraŭsia vykonvać uziatyja na siabie abaviazacielstvy.

Mužčynu vystavili abvinavačvańnie pa artykułach ab machlarstvie, kradziažy šlacham złoŭžyvańnia słužbovymi paŭnamoctvami, a taksama ab padbuchtorvańni da dačy chabaru.

Kryminalnaja sprava nakiravana ŭ sud.

Kamientary

Stryžak raskazaŭ, jak jaho vierbavali śpiecsłužby5

Stryžak raskazaŭ, jak jaho vierbavali śpiecsłužby

Usie naviny →
Usie naviny

U Lidzie zatrymali ŭładalnika kaviarni «Tutaka»

Z-kanał: Imavierna, Kryhier arhanizoŭvaŭ dyviersii ŭ Branskaj vobłaści5

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

Ukraina śpiašajecca stvaryć vajennyja bieśpiłotniki sa štučnym intelektam1

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam7

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

bolš čytanych navin
bolš łajkanych navin

Stryžak raskazaŭ, jak jaho vierbavali śpiecsłužby5

Stryžak raskazaŭ, jak jaho vierbavali śpiecsłužby

Hałoŭnaje
Usie naviny →