Upieršyniu ŭ Jeŭropie: u Isłandyi bolšaść u parłamiencie składuć žančyny
Žančyn-deputataŭ u parłamiencie Isłandyi pa vynikach praviedzienych napiaredadni ŭsieahulnych vybaraŭ atrymajecca bolš, čym mužčyn, što źjaŭlajecca ŭnikalnym vypadkam u sučasnaj historyi Jeŭropy, paviedamlajuć u niadzielu zachodnija ŚMI, pieradaje «Interfaks».
Tak, u 63-miascovy Altynh — adnapałatny parłamient — byli abranyja 33 žančyny, to-bok 52% ad liku parłamientaryjaŭ. Pry hetym, jak adznačajuć ŚMI, ni ŭ adnoj inšaj jeŭrapiejskaj krainie niama bolš za 50% žančyn u vyšejšych zakanadaŭčych orhanach ułady. Pryčym bolš za ŭsio žančyn-parłamientaryjaŭ pracuje ŭ Šviecyi — 47%.
Pavodle źviestak ŚMI, na vybarach u Isłandyi pieramahła kiroŭnaja kaalicyja na čale z premjerkaj Katryn Jakabsdocir, jakaja pašyryła svaju bolšaść u parłamiencie.
Ciapier tolki ŭ piaci krainach śvietu žančyny zajmajuć nie mienš za pałovu miescaŭ u parłamiencie: u Ruandzie (61%), na Kubie (52%), u Nikarahua (51%), u Mieksicy (50%) i AAE (50%).
ŚMI nahadvajuć, što, u adroźnieńnie ad šerahu inšych krain, u Isłandyi niama kvoty na žanočaje pradstaŭnictva ŭ parłamiencie, adnak niekatoryja partyi patrabujuć, kab nie mienš za vyznačanuju kolkaść ich kandydataŭ byli žančynami. Razam z tym, dadajuć ŚMI, Isłandyja doŭhi čas była krainaj, jakaja znachodziłasia na pieršych pazicyjach u śviecie pa zabieśpiačeńni roŭnaści pravoŭ mužčyn i žančyn.
Tak, pieršy zakon ab roŭnaj apłacie pracy niezaležna ad połu tut byŭ pryniaty ŭ 1961 hodzie. Isłandyja ŭ 1980 hodzie stała pieršaj krainaj śvietu z žančynaj-prezidentam na čale, abranaj pa demakratyčnaj pracedury. Taksama ŭ Isłandyi praduhledžany adnolkavy adpačynak pa dohladzie dziciaci i dla mužčyn, i dla žančyn.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii26
Kamientary