U muziei Kiembrydžskaha ŭniviersiteta kala antyčnych skulptur paviesiać šyldy z tłumačeńniem, čamu jany biełyja
Jak kažuć, heta adna ź mier baraćby suprać rasizmu.
U muziei archieałohii Kiembrydžskaha ŭniviersiteta raźmieściać śpiecyjalnyja šyldy kala hipsavych skulptur, kab patłumačyć ich bieły koler. Pradstaŭniki ŭstanovy nazyvajuć heta častkaj novaj stratehii suprać rasizmu.
Śćviardžajecca, što antyčnyja rymskija i hrečaskija skulptury dajuć niapravilnaje ŭražańnie, nibyta ŭ staražytnym śviecie isnavali tolki ludzi ź biełym koleram skury i, adpaviedna, nibyta ŭ toj čas nie isnavała nijakaj rasavaj raznastajnaści. Ale fakultet kłasiki Kiembrydža źbirajecca, jak kažuć, pieratvaryć prablemu ŭ mahčymaść, piša Daily Mail.
Supracoŭniki ŭstanovy źbirajucca źviarnuć uvahu na raznastajnaść samich skulptur i «rolu, jakuju kłasičnaja skulptura adyhrała ŭ historyi rasizmu». Adpaviednyja tablički, jakija patłumačać, jak stavicca da biełaha koleru skulptur, źjaviacca ŭ muziei ŭžo ŭ hetym hodzie. U svaju čarhu, supracoŭnikam ŭniviersiteta prapanujuć uklučyć anałahičnuju infarmacyju pra kłasičnyja skulptury ŭ tekst lekcyj i navučalnyja materyjały.
Tym nie mienš, šmat navukoŭcaŭ pastavilisia da hetaj prapanovy admoŭna. Adzin z vykładčykaŭ raspavioŭ brytanskamu resursu Daily Telegraph, što było b lohka zrazumieć, kali b takaja prapanova pastupiła ad studenta, ale toje, što ideju adobryŭ fakultet, adnačasova i pužaje, i śmiašyć. Inšy vykładčyk adznačyŭ, što bolšaja častka z 600 staražytnahrečaskich i rymskich skulptur adlustroŭvaje źniešnaść staražytnych hrekaŭ i rymlan, tamu budzie ciažka padkreślić raznastajnaść hetych vobrazaŭ.
Kamientary