Relihijnaja sutnaść śviata nastupnaja:

Niezadoŭha da Hałhofy, kaža Śviatoje Piśmo, Isus Chrystos uźniaŭsia z tryma apostałami — Piotram, Jakubam i Janam — na haru Tabor u Halilei, dzie «pieramianiŭsia pierad imi. Abličča Jahonaje zaźziała, byccam sonca, a vopratka stałasia biełaj, jak śviatło».

A kali chryścijanstva pryjšło na našy ziemli, dzień Pieramianieńnia złučyŭsia sa staražytnym śviatam ziemlarobčaha kalendara.

Na Spasa ŭ cerkvach śviacili jabłyki i inšuju sadavinu. 

Staradaŭnija padanni kazali, što ŭ dzień Jabłyčnaha Spasa Hospad adorvaje dušy ŭsich pamierłych dziaciej rajskimi jabłykami — pieršymi pładami novaha ŭradžaju. Tamu, u kaho chto pamior ź blizkich, toj nie jeŭ jabłyk da Spasa, kab na tym śviecie blizkamu nie zastacca bieź jabłyk.

Pra Spas jość šmat prymavak i prykmietaŭ. 

Kali busły adlatajuć raniej za Spas, vosień budzie rańniaja i chałodnaja. Kali paźniej za Spas — miakkaja i ciopłaja.

Pryjšoŭ Piatrok (12 lipienia) — apaŭ listok, pryjšoŭ Ilja (2c žniŭnia) — apała dva, pryjšoŭ Spas (19 žniŭnia) — pajšło leta ad nas.

Jaki druhi Spas (pieršy Spas — 14 žniŭnia), taki i studzień.

Spas — usiamu čas.

Клас
0
Панылы сорам
0
Ха-ха
0
Ого
0
Сумна
0
Абуральна
0