Biełaruski fond spartyŭnaj salidarnaści paviedamiŭ ab tym, što lohkaatletku Kryścinu Cimanoŭskuju sprabujuć hvałtoŭna vyvieźci z Tokia, dzie prachodzić Alimpijada-2020.
«Biełaruskuju lohkaatletku Kryścinu Cimanoŭskuju hvałtoŭna vyvoziać z Tokia. Pradstaŭniki biełaruskaj nackamandy departujuć lohkaatletku, joj terminova kupili bilet na samalot, ciapier viazuć z rečami ŭ aeraport.
Zaŭtra ŭ jaje pavinien byŭ adbycca start na 200 mietraŭ, pradstaŭniki zbornaj jaje nie dapuskajuć i adpraŭlajuć u Minsk», — paviedamlaje BFSS.
Zaraz spartsmienka znachodzicca ŭ trecim terminale aeraporta Tokia. Vylet praz try hadziny, u 22: 50 pa miascovym časie (16:50 — pa biełaruskim). Rejs Tokia — Stambuł.
Paźniej Kryścina Cimanoŭskaja źniała videa z aeraporta. «Ciapier ja znachodžusia z palicyjaj. Pakul jany vyrašajuć što rabić», - paćvierdziła Kryścina Cimanoŭskaja «Jeŭraradyjo»
***
Raniej Kryścina Cimanoŭskaja raskrytykavała kiraŭnictva, jakoje vyrašyła pastavić jaje ŭ treci vid alimpijskaj prahramy: u estafietu 4 pa 400 mietraŭ. Jana miełasia biehčy 100 i 200 mietraŭ indyvidualnaj prahramy.
Prapahandysty nakinulisia na dziaŭčynu, nijak nie adznačyŭšy pamyłku kiraŭnictva biełaruskaj kamandy, jakoj aburyłasia Cimanoŭskaja.
Saša Filipienka raskazaŭ, čamu nie płanuje pisać pa-biełarusku i jak Biełaruś moža stać padarunkam Rasii ŭ vajnie64
Kamientary