Na dośvitku ŭ Bresckaj krepaści prajšoŭ mitynh-rekvijem u pamiać ab pačatku Vialikaj Ajčynnaj vajny
U miemaryjalnym kompleksie «Bresckaja krepaść-hieroj» ranicaj 22 červienia prajšoŭ mitynh-rekvijem, pryśviečany Dniu ŭsienarodnaj pamiaci achviar Vialikaj Ajčynnaj vajny (80 hadoŭ).
Mitynh-rekvijem na płoščy Cyrymanijałaŭ pa tradycyi pačaŭsia a pałovie na čaćviortuju ranicy — za paŭhadziny da taho momantu, jak 22 červienia 1941 hoda pieradśvitalnuju cišyniu nad horadam razarvaŭ huł snaradaŭ, piša BiełTA.
U pamiać ab zahinułych u pieršyja chviliny i hadziny vajny byli spuščany vianki z zapalenymi ad Viečnaha ahniu śviečkami. Taksama byli vypuščany biełyja šary, a chvilinaj maŭčańnia i załpam sa strelbaŭ udzielniki cyrymonii ŭšanavali pamiać usich tych, chto nie viarnuŭsia z vajny.
«Siońnia apoŭdni Biełaruś zhurtujecca adzinaj chvilinaj maŭčańnia. I my ŭspomnim usich, chto zahinuŭ u toj strašnaj vajnie. U hetaj pamiaci — naša siła. Siła biełaruskaha naroda, jaki vystajaŭ, zachavaŭ mir na svajoj ziamli, pabudavaŭ niezaležnuju krainu», — skazaŭ staršynia Bresckaha abłvykankama Juryj Šulejka.
Mitynh zaviaršyŭsia ŭračystym maršam vojskaŭ Bresckaha harnizona. Zatym adbyłasia vajenna-histaryčnaja rekanstrukcyja na Kobrynskim umacavańni krepaści.
Papularny tyktokier z Rasii tusić u darahich restaranach Minska: «Byccam bamžu padali. Žarycie, na zdaroŭje»29
Kamientary