Sport

Jak u maleńkaj Bielhii vychavali futbalistaŭ, viadomych va ŭsim śviecie

Takoj zornaj futbolnaj kamandzie, jak zbornaja Bielhii, pazajzdrościŭ by luby futbolny trenier. U krainie z nasielnictvam 11,5 miljona čałaviek atrymałasia stvaryć sistemu padrychtoŭki hulcoŭ, jakaja jašče ŭ 2015 hodzie pryviała bielhijskuju zbornuju na pieršaje miesca ŭ suśvietnym rejtynhu kamand FIFA — i z 2018 hoda kamanda bieśpierapynna znachodzicca na viaršyni hetaha rejtynhu.

Fota pixabay.com.

Cikava, što bielhijcy damahlisia hetaha, nie patraciŭšy vialikich hrošaj. Jašče bolš cikava, što ich šlach na viaršyniu suśvietnaha futboła pačaŭsia paśla vialikaha zaniapadu.

Na dvary stajaŭ 2000 hod, i Bielhija razam ź Niderłandami prymała čempijanat Jeŭropy pa futbołu. Adnak radaść ad chatniaha turniru akazałasia niadoŭhaj, i ŭsiaho praź dzieviać dzion paśla ŭračystaha adkryćcia čempijanatu bielhijskaja nacyjanałka ź jaho vylecieła, navat nie zdoleŭšy prabicca ŭ stadyju płej-of.

Hetaja padzieja narešcie prymusiła bielhijskuju futbolnuju asacyjacyju pierahledzieć svaje pohlady na raźvićcio futboła ŭ krainie. Zadaču vyratavać situacyju ŭskłali na Mišela Sabłona — 54-hadovaha śpiecyjalista, jaki pracavaŭ asistentam treniera bielhijskaj zbornaj na troch čempijanatach śvietu. Ciapier jaho pryznačyli techničnym dyrektaram zbornaj.

Sabłon zrazumieŭ — treba całkam źmianiać sistemu padrychtoŭki hulcoŭ. Jon pačaŭ z taho, što niekalki razoŭ naviedaŭ Niderłandy i Ispaniju, dzie vyvučaŭ pracu miascovych dziciačych futbolnych akademij (pryčym siarod ich dakładna byli akademii «Barsiełony» i «PSV»). Ale i biez teoryi nie abyšłosia: supracoŭniki čatyroch bielhijskich univiersitetaŭ dapamahali Sabłonu i jaho kamandzie vyvučać padrychtoŭku hulcoŭ u dziciačym uzroście.

Supracoŭniki ŭniviersiteta Leviena praanalizavali 1500 hadzin videa futbolnych matčaŭ — i vypracavali idei, jakija dazvolili vyvieści bielhijski futboł na niebyvały ŭzrovień.

Fota talksport.com.

Usio pačałosia z pierachodu na hulniavuju schiemu z rasstanoŭkaj futbalistaŭ 4-3-3, jakaja stała abaviazkovaj dla ŭsich kłubnych futbolnych škoł Bielhii. Jak tłumačyŭ sam Sabłon, schiema 4-3-3 dazvalaje vychavać raznapłanavych hulcoŭ, jakija dobra siabie pakažuć i pry inšych rasstanoŭkach.

Sabłon vyśvietliŭ, što padčas dziciačych matčaŭ junyja futbalisty dakranajucca da miača ŭ siarednim dva razy za hulniu. Hetaha nadta mała, kab navučyć dzicia adpaviednaj pracy ź miačom. Tamu Sabłon prapanavaŭ inšy farmat matčaŭ: dzieci da siami hod hulali u kamandach pa dva čałavieki, trochi starejšyja — pa piać, jašče bolš starejšaja katehoryja — pa siem.

Byli i inšyja miery. Dzieciam da šasnaccaci hod zabaranili pierachoplivać miač šlacham adboru, što vymusiła ich vučycca razumieć hulniu, kab šukać mahčymaści atrymać miač inšym čynam. Narešcie, u dziciačych kamandach zabaranili turnirnyja tablicy i hulni na vynik — źjavy, jakija pieraškadžali dzieciam atrymlivać zadavalnieńnie ad futbołu.

Było ciažka prymusić usie kłuby pierajści da novych praviłaŭ — naprykład, niekatoryja akademii piać hadoŭ nie pahadžalisia pierajści na schiemu 4-3-3. Nie mienš prablemaŭ vyklikała i toje, što pieršyja hady paśla reformy nie było bačna vyniku ad namahańniaŭ.

Śviatkavańnie bronzy bielhijskaj zbornaj na čempijanacie śvietu — 2018.

Ale potym bielhijskuju nacyjanałku čakaŭ roskvit. Pieršaj jaho adznakaj było toje, što ŭ 2017 hodzie zbornaja krainy pa futbole U-17 (hulcy, maładziejšyja za 17 hod) apynulisia ažno ŭ paŭfinale junijorskaha čempijanatu. Dalej byŭ šlach, jaki pryvioŭ darosłuju nacyjanalnuju kamandu da bronzy čempijanatu śvietu 2018 hoda — i, napeŭna, na ciapierašnim čempijanacie Jeŭropy bielhijcy chacieli b damahčysia bolšaha.

Dla ščyraści, bielhijcy ŭsio ž vydatkavali niekatoryja hrošy na svaju futbolnuju revalucyju, kali dakładniej — na pabudovu vaśmi novych futbolnych škoł. Ale heta byli finansy, zaroblenyja padčas taho samaha sumnaha dla krainy čempijanatu Jeŭropy — 2000. Niekatoryja futbolnyja akademii pry bielhijskich kłubach taksama vydatkavali hrošy na palapšeńnie ŭmoŭ trenirovak.

20 hod tamu amal nichto ź bielhijcaŭ nie hulaŭ u zamiežnych kamandach, zaraz ža futbalistaŭ z hetaj maleńkaj krainy šanujuć u lepšych kłubach śvietu. Kurtua zavajavaŭ trafiei z madrydskimi «Reałam» i «Atletyka», z anhlijskim «Čełsi» jon dva razy pieramahaŭ u Premjer-lizie — adnym z hałoŭnych čempijanataŭ śvietu. De Brojne pieratvaryŭsia ŭ «Mančester Sici» ŭ adnaho z najlepšych hulcoŭ płaniety, i kolkaść jaho trafiejaŭ vymiarajecca dvuchznačnaj ličbaj. U Bielhii chapaje i inšych zornych imion — Eden Azar, jaki dva razy pieramoh u Lizie Jeŭropy z «Čełsi», Ramełu Łukaku, jaki staŭ čempijonam Italii, i šmat, šmat inšych.

Jość z čaho ŭziać prykład biełaruskim futbolnym bosam.

Kamientary

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Usie naviny →
Usie naviny

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ2

Zamach na Donalda Trampa płanavaŭ Iran — CNN11

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami29

Minskaje «Dynama» na apošnich chvilinach prabiłasia ŭ druhi raŭnd kvalifikacyi Lihi čempijonaŭ VIDEA1

Rasijski šachied vybuchnuŭ za 55 km ad Babrujska22

bolš čytanych navin
bolš łajkanych navin

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Hałoŭnaje
Usie naviny →