Na miažy Ukrainy ź Biełaruśsiu prachodziać akcyi pratestu suprać biełaruskich uładaŭ. Ich zładzili na punktach propusku «Novyja Jaryłavičy» i «Damanava». Pra heta ŭ kamientary RBK-Ukrajina raspavioŭ śpikier Dziaržaŭnaj pamiežnaj słužby Ukrainy Andrej Dziemčanka.
«Kala dvuch punktaŭ propusku na miažy ź Biełaruśsiu znachodziacca niaznačnyja hrupy ludziej — na punkcie propusku «Novyja Jaryłavičy» kala 40 čałaviek i «Damanava» kala 10 čałaviek. Jany vykazvajuć pratest suprać biełaruskaha režymu, pavodziać siabie jany mirna, nijakich pravakacyj nie ažyćciaŭlajuć i ruch transpartu nie błakujuć», — adznačyŭ Dziemčanka.
«Nami było arhanizavana supracoŭnictva z supracoŭnikami palicyi. Na dadzieny momant udzielniki akcyi nie stvarajuć pieraškod dla ruchu, pavodziać siabie jany mirna», — dadaŭ Dziemčanka.
Jon taksama vykazaŭ nadzieju, što jany nie buduć sprabavać pierakryć ruch, pakolki ŭ takim vypadku supracoŭniki palicyi mohuć pryciahnuć ich da adkaznaści.
Akcyi arhanizavała «Narodnaje antykryzisnaje ŭpraŭleńnie», jakoje kaardynuje Pavieł Łatuška.
Palitviazień pravioŭ paŭtara hoda ŭ SIZA — voś jak jon vyhladaŭ paśla hetaha10
Kamientary