«Abjomy byli niaznačnyja»: Minenierha prakamientavała zabaronu pastavak elektraenierhii va Ukrainu
Ministerstva enierhietyki ŭ svaim telehram-kanale prakamientavaza zabaronu pastavak elektraenierhii va Ukrainu.
Abjomy pastavak biełaruskaj elektraenierhii va Ukrainu da pryniaćcia rašeńnia ab zabaronie jaje impartu Nacyjanalnaj kamisijaj, jakaja ažyćciaŭlaje dziaržaŭnaje rehulavańnie ŭ śfierach enierhietyki i kamunalnych pasłuh Ukrainy, byli niaznačnymi. Tamu pryniatyja Ukrainaj miery naŭrad ci možna nazvać adčuvalnymi dla biełaruskaha boku.
Adznačajecca, što zabarona na pastaŭku elektraenierhii ź Biełarusi va Ukrainu dziejničała i raniej — z krasavika pa śniežań 2020 hoda. Paśla jaje zakančeńnia kamiercyjnyja pieratoki elektraenierhii adnavilisia, i padčas niespryjalnych umoŭ nadvorja ŭ zimovy pieryjad ukrainski bok nieadnarazova źviartaŭsia da Biełarusi z zapytam ab pastaŭkach elektraenierhii, nieabchodnaj dla zabieśpiačeńnia ŭstojlivaj pracy svajoj enierhasistemy. Naša kraina akazvała takuju dapamohu i padavała nieabchodny rezierv mahutnaści.
«Hučnyja zajavy ab namiery Ukrainy spynić impart biełaruskaj elektraenierhii raniej hučali nieadnarazova. Pytańnie ŭ tym, ci nie sutyknucca našy ŭkrainskija partniory sami z nastupstvami ad uviedzienaj zabarony. Pazicyja biełaruskaha boku zastajecca niaźmiennaj: my naceleny na kanstruktyŭnaje ŭzajemadziejańnie, i, kali heta spatrebicca, hatovyja arhanizavać pastaŭki elektraenierhii va Ukrainu», — padkreślivaje Minenierha.
«Dalej budzie tolki bolš». Biełarus-raspracoŭščyk u halinie ŠI, jaki pracuje ŭ Ńju-Jorku, raskazaŭ, što nas čakaje14
Kamientary