Bajden nazvaŭ kontrpraduktyŭnymi sankcyi suprać «Paŭnočnaha patoku — 2»
Budaŭnictva trubapravoda «Paŭnočny patok — 2» praktyčna zavieršana, i ŭviadzieńnie sankcyj suprać prajekta było b kontrpraduktyŭnym dla stasunkaŭ ZŠA ź Jeŭropaj. Pra heta zajaviŭ u aŭtorak amierykanski prezident Džo Bajden, adkazvajučy na pytańni žurnalistaŭ, piša TASS.
Kiraŭnik ZŠA adznačyŭ, što trubapravod «amal całkam dabudavany», kali jaho spytali ab admovie vašynhtonskaj administracyi ŭvodzić sankcyi suprać apieratara prajekta — kampanii Nord Stream 2 AG. «Jon byŭ amal dabudavany da taho času, kali ja ŭstupiŭ na pasadu. Ja dumaju, što ŭviadzieńnie sankcyj ciapier było b kontrpraduktyŭnym z punktu hledžańnia našych stasunkaŭ ź Jeŭropaj», — padkreśliŭ prezident, dadaŭšy, što «z samaha pačatku vystupaŭ suprać budaŭnictva «Paŭnočnaha patoku — 2».
Prajekt «Paŭnočny patok — 2» praduhledžvaje budaŭnictva dźviuch nitak hazapravoda ahulnaj mahutnaściu 55 młrd kub. m u hod ad uźbiarežža Rasii praz Bałtyjskaje mora da Niamieččyny. Raboty byli prypynienyja ŭ śniežni 2019 hoda paśla taho, jak šviejcarskaja Allseas admoviłasia ad kładki trub z-za mahčymych sankcyj z boku ZŠA. Sa śniežnia 2020 hoda budaŭnictva hazapravoda było adnoŭlena paśla hadavoj paŭzy. Hatoŭnaść «Paŭnočnaha patoku — 2» składaje 95%.
ZŠA 21 maja ŭnieśli ŭ svaje sankcyjnyja śpisy 13 sudoŭ i try rasijskija arhanizacyi, jakija biaruć udzieł u budaŭnictvie «Paŭnočnaha patoku — 2». Dziaržsakratar ZŠA Entani Blinkien 19 maja paćvierdziŭ, što Vašynhton admoviŭsia ad uviadzieńnia sankcyj u dačynieńni da kampanii Nord Stream AG 2 — apieratara «Paŭnočnaha patoku — 2» — i jaje vykanaŭčaha dyrektara Macijasa Varniha. Pa słovach kiraŭnika amierykanskaj dypłamatyi, heta rašeńnie adpaviadaje nacyjanalnym intaresam ZŠA.
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju4
Kamientary