«Ja źjechaŭ, bo zrazumieŭ, što pryjduć». Pinski eks-sudździa Alaksiej Packo raspavioŭ pra pieratrus
Letaś 10 žniŭnia Packo admoviŭsia sudzić zatrymanych pa 23.34 i pryncypova zvolniŭsia. Uładkavaŭsia pamočnikam advakata. A sioleta 25 maja ŭ jaho raptam prajšoŭ pieratrus, pra heta paviedamili pravaabaroncy.
Padčas pieratrusu kanfiskavali techniku i dakumienty.
Sam eks-sudździa koratka prakamientavaŭ heta tak:
«Ja znachodžusia za miažoj — źjechaŭ niadaŭna, bo zrazumieŭ, što nieŭzabavie pa mianie pryjduć. Tak ličyć byli padstavy.
Vobšuki sapraŭdy prajšli ŭ ofisie i ŭ maci. Padčas ich siłaviki kazali, što na Packo zaviedzienaja niejkaja sprava, štości źviazanaje z padrobkaj dakumientaŭ. Ale dakładna jakaja sprava i za što — pakul nieviadoma. Z čym źviazany taki raptoŭny cisk na mianie pakul taksama skazać nie mahu».
Paviedamlałasia, što zatrymanaja maci Packo. Heta niapraŭda.
«Maci nie zatrymlivali — zabrali dla dačy tłumačeńniaŭ, paśla adpuścili», — paviedamiŭ Alaksiej Packo.
Kamientary