Jaŭhienu Rapinu, jaki na akcyi pratestu ŭdaryŭ kamieru kala Akreścina, dali try hady chimii
Šostaha maja ŭ sudzie Pieršamajskaha rajona byŭ vyniesieny prysud pa kryminalnaj spravie Jaŭhiena Rapina, abvinavačanaha pavodle č. 1 art. 342 Kryminalnaha kodeksa za toje, što ŭdzielničaŭ u akcyi pratestu 4 kastryčnika i ŭdaryŭ pa kamiery videanazirańnia kala izalatara na Akreścina. Sudździa Maksim Trusievič prysudziŭ mužčynie try hady abmiežavańnia voli z nakiravańniem dla adbyćcia pakarańnia ŭ papraŭčuju ŭstanovu adkrytaha typu («chimija»), paviedamlajuć pravaabaroncy.
Da ŭstupleńnia prysudu ŭ siłu Jaŭhien Rapin zastajecca na voli. Pazoŭ «Minsktransa» na kampiensacyju materyjalnaj škody budzie razhladacca ŭ paradku hramadzianskaha sudavodstva.
Pavodle abvinavačvańnia, padčas niesankcyjanavanaj akcyi pratestu 4 kastryčnika pa maršrucie Niamiha, vuł. Kalvaryjskaja, praśpiekty Pieramožcaŭ, Žukava, Dziaržynskaha, Puškinskaja, Mašerava Jaŭhien Rapin u stanie ałkaholnaha apjanieńnia dla vykazvańnia svaich palityčnych pohladaŭ dałučyŭsia da hrupy hramadzian, publična vykrykvaŭ łozunhi, ažyćciaŭlaŭ hučnyja vopleski rukami, nieadnarazova admoviŭsia vykanać patrabavańni supracoŭnikaŭ achovy pravaparadku, naŭmysna pieraškadžaŭ ruchu transpartu. Taksama pa adrasie 1-y zavułak Akreścina jon nanios dva ŭdary pa vonkavaj kamiery izalatara časovaha ŭtrymańnia. Pry hetym na kamiery paškodžańniaŭ nie zastałosia.
Nočču ŭ Biełaruś zalacieli vosiem dronaŭ. Adzin amal dabraŭsia da miažy ź Litvoj3
Kamientary