U dakumiencie havorycca, što pastanovaj suda Baranavickaha rajona i h. Baranavičy intervju sa Śviatłanaj Cichanoŭskaj, apublikavanaje ŭ haziecie 14 krasavika, pryznanaje ekstremisckim, u suviazi z čym Mininfarm «papiaredžvaje jurydyčnuju asobu, na jakuju ŭskładzienyja funkcyi redakcyi haziety Intex-press, ab niedapuščalnaści parušeńnia patrabavańniaŭ artykuła 38 «Zakona ab ŚMI» i paviedamlaje, što «dapuščanyja parušeńni nieabchodna likvidavać» i paviedamić pra heta Ministerstvu da 14 maja», paviedamlaje BAŽ.

Taksama 4 maja redakcyja atrymała list ad dyrektara Bresckaha filijała «Biełsajuzdruka» Taćciany Zinievič. U im havorycca, što z 5 maja 2021 hoda pradpryjemstva «admaŭlajecca ad vykanańnia dahavornych abaviazacielstvaŭ u adnabakovym paradku». U redakcyi kažuć, što buduć abskardžvać heta rašeńnie.

Druhi dziaržaŭny manapalist — RUP «Biełpošta» — 28 krasavika apaviaściŭ redakcyju ab tym, što hazieta nie budzie ŭklučana ŭ padpisny katałoh na druhoje paŭhodździe 2021 hoda. Handlovyja sietki taksama admaŭlajucca pradavać hazietu.

Клас
0
Панылы сорам
0
Ха-ха
0
Ого
0
Сумна
0
Абуральна
0