Hramadstva

Sudziać Cimu Biełaruskich. Prakuror prosić dva hady chatniaj chimii

Sud Maskoŭskaha rajona Minska siońnia pačynaje sudovy razhlad jaho kryminalnaj spravy. Śpievaka abvinavačvajuć ŭ nabyćci, užyvańni i zachoŭvańni narkatyčnych srodkaŭ (č. 1, art. 328).

Cima (Cimafiej Marozaŭ) razam z advakatam Maryjaj Kolesavaj-Hudzilinaj. Fota Nadziei Bužan

Niezaležnyja ŚMI, aproč kp.by, nie puścili na pasiadžeńnie. Aficyjnaja pryčyna — epidemičnaja abstanoŭka.

Na sudzie Cima raspavioŭ, što ŭpieršyniu ŭžyŭ narkotyki ŭ 16 hadoŭ. Užyvaŭ marychuanu, kakain, toj ža hašyš. Užyvaŭ pieryjadyčna, nabyvaŭ rečyvy praz zakładki, z telefona siabra. Časam u zakładkach traplałasia zusim nie toje, što śpiavak «zamaŭlaŭ». Naprykład, letaś Cima razam sa svaim siabram Antonam Kryvieckim chacieli nabyć kakain, ale ŭ zakładcy trapiŭsia amfietamin.

U studzieni, pierad zatrymańniem, Cima i Anton zapłacili 300 rubloŭ za hašyš. Zabrali zakładku, paśla pajechali ŭ kampjutarny kłub. Častku narkotykaŭ užyli, reštu Cima pakłaŭ sabie ŭ kišeniu, razam z trubkaj dla ŭžyvańnia. Ich i znajšli ŭ śpievaka paśla zatrymańnia.

Cima kaža, što z Kryvieckim siabruje bolš za hod. Paznajomilisia praz ahulnych siabroŭ.

Abodva chłopcy — i Biełaruskich, i Kryviecki — raniej nie sudzimyja. Ciapier im pahražaje da 5 hadoŭ kałonii.

Taksama Cima raspavioŭ, što adukacyja ŭ jaho poŭnaja bazavaja, maje piacihadovuju dačku, zarehistravany jak IP u Leninskim rajonie Minska.

U sudzie abvieščany pierapynak da 14:15.

Paśla pierapynku adbylisia sprečki bakoŭ. Vystupajučy ŭ sprečkach, prakuror adznačyŭ, što vina fihurantaŭ spravy ŭ sudzie całkam dakazanaja. Pry hetym jon paprasiŭ sud uličyć pry vyniasieńni vierdyktu čystasardečnaje raskajańnie abvinavačanych.

Dziaržaŭny abvinavaŭca zaprasiŭ dla Cimy Biełaruskich pakarańnie ŭ vyhladzie abmiežavańnia voli biez nakiravańnia ŭ vypraŭlenčuju ŭstanovu terminam na dva hady.

Druhomu abvinavačanamu, Antonu Kryvieckamu, dziaržaŭny abvinavaŭca paprasiŭ taksama pryznačyć dva hady «chatniaj chimii». Akramia hetaha, jon paprasiŭ sud vyzvalić Kryvickaha z-pad varty ŭ zale suda.

***

Milicyja zatrymała Cimu Biełaruskich 6 studzienia ŭ hulniavym kłubie ŭ Minsku. Pry asabistym vobšuku ŭ jakoha byŭ vyjaŭleny hašyš (kala 0,0375 hrama) i amfietamin (1,96 h).

Paviedamlałasia, što narkotyki śpiavak i jaho pryjaciel kupili praź internet. Častku ŭžyli ŭ pamiaškańni hulniavoha kłuba, reštki vyjavili rabotniki milicyi. Padčas asabistaha pieratrusu Cimy byŭ znojdzieny taksama psichatrop. Svaju vinu abvinavačanyja pryznali. Cima byŭ adpuščany pad zakład, a jaho tavaryš znachodzicca pad vartaj.

Kamientary

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta17

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →