U adnym z telehram-kanałaŭ źjaviłasia infarmacyja ab tym, što baza danych płatformy «Hołas» vystaŭlena na prodaž. Raspracoŭščyki płatformy zajavili, što heta fejk, piša Dev.by.
U telehramie pisali, što ŭ pradavanaj bazie danych źmiaščajucca telefonnyja numary tych, chto rehistravaŭsia ŭ bocie. Heta 768 418 numaroŭ. Taksama byŭ raźmieščany skrynšot bazy danych, nibyta vystaŭlenaj na prodaž.
U «Hołasie» rastłumačyli:
«Fejk. My pravieryli. Źviestki sa skrynšota nie z našaj bazy. Akramia taho my nie zachoŭvajem sami telefony — tolki ich chešy».
«My źviazvajem čarhovuju pravakacyju z efiektyŭnaściu pracy «Hołasa» — płatforma karystajecca davieram i biełarusaŭ, i ŭsioj mižnarodnaj supolnaści, jakaja paśla abviaščeńnia hałasavańnia za pieramovy pa vychadzie z kryzisu prykmietna aktyvizavałasia. Źviartajemsia da našych karystalnikaŭ: nie daviarajcie pravakacyjam. Vašy danyja nadziejna abaronieny i znachodziacca ŭ poŭnaj biaśpiecy», — havorycca ŭ zvarocie.
U bazie «Hołasa» značna bolš ulikovych zapisaŭ, čym 760 000. Ab čym, miarkujučy pa tekście dopisa, nie zdahadvajecca aŭtar «źliva». U sistemie «Hołasa» bolš za 1,6 młn ulikovych zapisaŭ.
Usiaho ŭ «Hołasie» zarehistravała kala 1,5 miljona vybarcaŭ. Hetaja inicyjatyva była stvoranaja, kab pieraškodzić falsifikacyi vybaraŭ va ŭmovach, kali vybarčyja kamisii składajucca z asob, zaćvierdžanych łukašenkaŭskim aparatam, a niezaležnym naziralnikam nie dazvalajuć bačyć biuleteni padčas padliku hałasoŭ.
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary