Hramadstva

Advakat mamy piaci dziaciej: Da jaje ŭžyvali fizičnuju siłu, ja bačyŭ siniaki

Volhu Załatar — maci piaciarych dziaciej z pasiołka Ždanovičy — zatrymali 18 sakavika. Treci tydzień jana znachodzicca pad vartaj, ciapier — u SIZA na Vaładarskaha. Pavodle infarmacyi Tut.by, padčas dopytaŭ Volha zajaŭlała, što ŭ dzień zatrymańnia da jaje ŭžyvałasia fizičnaja siła. Advakaty vyjavili ŭ jaje siniaki na rukach i šyi, siniaki na jahadzicach.

Fota: Darja Burakina, Tut.by.

Volhu Załatar zatrymali 18 sakavika na MKAD, kali jana viezła 10-hadovuju dačku ŭ muzyčnuju škołu. Zatrymańnie pravodzili supracoŭniki HUBAZiK MUS, jakija ŭ toj dzień praviali ŭ domie pieratrus. Paśla hetaha jaje dastavili va ŭpraŭleńnie na vulicy Revalucyjnaj u Minsku, dzie, jak śćviardžaje Volha, da jaje ŭžyvali fizičnuju siłu, raspavioŭ TUT.BY jaje advakat Andrej Mačałaŭ.

— Padčas dopytaŭ u śledčaha Volha trojčy adznačała pra fakty katavańniaŭ. U HUBAZiK u jaje patrabavali razbłakavać pryłady i pieradać usie źviestki ŭ dačynieńni da jaje. Jana vyrašyła skarystacca pravam nie śviedčyć suprać siabie. Paśla hetaha, raspaviadała maja padabaronnaja, jaje bili pa patylicy i jahadzicach, vyłomlivali ruki, pryciskali hałavu da ziamli. Kali my ź joj sustrelisia, u jaje było mnostva cialesnych paškodžańniaŭ, siniaki na rukach i šyi, siniaki na jahadzicach.

Pa słovach Andreja Mačałava, jon padavaŭ chadajnictva ab vykliku i pryciahnieńni sudmiedekśpierta, kab zafiksavać paškodžańni na ciele Volhi Załatar. Da hetaha času, pa jaho infarmacyi, śpiecyjalist ź jaho padabaronnaj nie sustrakaŭsia.

— Taksama my pisali chadajnictva śledčaj, kab jana praviała ahlad i apisała paškodžańni. Hetaha taksama nie było zroblena. Na maju dumku, jość sproba ŭtaić ślady prymienienych katavańniaŭ.

26 sakavika Volzie Załatar vystavili abvinavačvańnie. Joj stavicca ŭ vinu stvareńnie ekstremisckaha farmavańnia — nibyta praz telehram-čat «Ždanovičy 2020 — kłub amataraŭ piesień Coja» jana kaardynavała miascovuju pratesnuju aktyŭnaść. U čacie krychu bolš za 600 čałaviek. Paśla zatrymańnia Volhi jon praciahnuŭ abnaŭlacca.

Svaju vinu Volha całkam admaŭlaje, kaža advakat.

31 sakavika sud Partyzanskaha rajona Minska razhledzieŭ skarhu na pastanovu ab užyvańni miery strymańnia ŭ vyhladzie ŭziaćcia pad vartu, ale adchiliŭ jaje. Volha Załatar zastajecca ŭ SIZA № 1 na Vaładarskaha.

Pravaabaroncy 2 krasavika pryznali Volhu Załatar palityčnaj źniavolenaj.

U žniŭni 2020-ha Volha Załatar była naziralnikam na vybarach, paśla 9 žniŭnia jana stała vałancioram u łahiery na Akreścina. Uvosień 2020-ha na jaje skłali pratakoł za čajavańnie ŭ adnym z dvaroŭ Ždanovič. Tady sud pryznačyŭ joj štraf. 28 studzienia 2021 hoda jaje zatrymali za drobnaje chulihanstva, razam z susiedkaj jana admyvała čornuju farbu z zafarbavanaha murała z vyjavaj Paŭła Łatuški. Sud pa hetaj spravie tak i nie prajšoŭ, udakładniaje PC «Viasna». Nastupny raz žančynu zatrymali litaralna praz try dni, kali jana čakała siabroŭku kala ŭniviersama «Centralny». Tady Volha niekalki sutak praviała ŭ izalatary ŭ 1-m zavułku Akreścina.

18 sakavika zatrymali jaje muža Siarhieja Hankieviča — na jaho skłali pratakoł za niesankcyjanavanaje pikietavańnie: nibyta jon u abiedzienny čas vyviesiŭ u aknie doma bieł-čyrvona-bieły ściah. Uviečary jaho vyklikali da ŭčastkovaha i zatrymali, a na nastupny dzień asudzili na 10 sutak aryštu pa artykule 24.23 KaAP.

Jak paźniej paviedamiła MUS, u dačynieńni da Volhi Załatar raspačali kryminalnuju spravu «za aktyŭnuju pratesnuju dziejnaść». Pa jakim artykule, u viedamstvie nie ŭdakładnili. Pavodle infarmacyi milicyi, žančyna była administrataram miascovaha dvarovaha čata i ź leta minułaha hoda arhanizataram niesankcyjanavanych masavych mierapryjemstvaŭ, «tak zvanych čajavańniaŭ, prahułak, kancertaŭ».

Volha Załatar žyvie ŭ Ždanovičach, razam z mužam jany vychoŭvajuć piaciarych dziaciej ad 4 da 17 hadoŭ.

Kamientary

Stryžak raskazaŭ, jak jaho vierbavali śpiecsłužby5

Stryžak raskazaŭ, jak jaho vierbavali śpiecsłužby

Usie naviny →
Usie naviny

U Lidzie zatrymali ŭładalnika kaviarni «Tutaka»

Z-kanał: Imavierna, Kryhier arhanizoŭvaŭ dyviersii ŭ Branskaj vobłaści5

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

Ukraina śpiašajecca stvaryć vajennyja bieśpiłotniki sa štučnym intelektam1

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam7

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

bolš čytanych navin
bolš łajkanych navin

Stryžak raskazaŭ, jak jaho vierbavali śpiecsłužby5

Stryžak raskazaŭ, jak jaho vierbavali śpiecsłužby

Hałoŭnaje
Usie naviny →