Pamočnik Pucina: Jak vyjšła, što vielikaroskija ziemli apynulisia na terytoryi Ukrainy, Kazachstana i navat Biełarusi?
Pamočnik prezidenta Rasii, eks-ministr kultury Uładzimir Miadzinski źviarnuŭsia da deputataŭ Savieta Fiederacyi z prośbaj padumać, «jak tak vyjšła, što vielikaroskija ziemli apynulisia na terytoryi Ukrainy, Kazachstana i navat Biełarusi», paviedamlajuć rasijskija ŚMI.
Adkryvajučy sustreču, jakaja adbyłasia 30 sakavika, rasijski sienatar Alaksiej Puškoŭ zajaviŭ, što «Zachad» nie tolki «praciahvaje baraćbu za delehitymacyju Rasiei ŭ śviecie», ale i maje namier dziejničać «bolš ahresiŭna». Parłamientaryj papiaredziŭ, što «vynik hetaj bitvy nie pradvyznačany» i zaležyć ad namahańniaŭ prysutnych. A kab «abaranić Rasieju na suśvietnaj arenie», nieabchodna «reahavać na zakanadaŭčym uzroŭni na sproby skažeńnia histaryčnaj praŭdy».
Pamočnik Pucina ŭ svaim vystupie kankretyzavaŭ, što ŭ rasijskich viarchach ciapier bačycca jak «histaryčnaja praŭda».
«Praca pa naviazvańni zachodnich kaštoŭnaściaŭ», skazaŭ Miadzinski, niepaźbiežna pryviadzie da taho, što rasiejcy zachočuć dobraachvotna «addać nazad Kuryły, Kalininhrad, Kareliju i Vybarh», papiaredziŭ jon. Pad kaniec pamočnik Pucina daŭ chatniaje zadańnie padumać, «jak tak vyjšła, što vielikaroskija ziemli apynulisia na terytoryi Ukrainy, Kazachstana i navat Biełarusi».
Vysokapastaŭlenyja rasijskija čynoŭniki nie pieršy raz vykazvajuć pretenzii na terytoryi, na jakich nasielnictva razmaŭlaje pa-rusku.
U 2014 hodzie Rasija pasprabavała adarvać ad Ukrainy ruskamoŭnyja poŭdzień i ŭschod, jakija ŭ Rasii časam na samym vysokim uzroŭni nazyvajuć «Navarosijaj», ale rasijskija siły, akramia Kryma, zdoleli zaniać tolki ŭschod Danbasa, dzie byli ŭtvoranyja maryjanietkavyja «Danieckaja» i «Łuhanskaja» «narodnyja respubliki».
Kazachstan pilna sočyć za situacyjaj na poŭnačy krainy, dzie ruskija składajuć vialikuju dolu nasielnictva. Mienavita hetyja terytoryi majuć na ŭvazie rasijskija praimpierskija dziejačy jak «vielikaroskija».
Biełaruś ža, jakaja pieražyła ŭ apošnija paŭstahodździa imklivuju rusifikacyju, razhladajecca niekatorymi rasijskimi siłami jak patencyjny abjekt dla dałučeńnia całkam.
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia1
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1515
Kamientary