Pra heta zajaviŭ namieśnik kiraŭnika Administracyi prezidenta Dźmitryj Kruty žurnalistam u piatnicu, piša Interfaks.
U sieradu pradstaŭnik Dziarždepartamienta ZŠA Nied Prajs zajaviŭ, što Dziarždep maje namier rekamiendavać Minfinu nie praciahvać prypynieńnie sankcyj suprać dzieviaci pradpryjemstvaŭ naftachimičnaj haliny Biełarusi, termin dziejańnia jakoha skončvajecca 26 krasavika.
«Liču, na ŭzroŭni ŭrada našaj respubliki dadzienaja situacyja budzie vyvučana. U vypadku nieabchodnaści niejkija rečy buduć dakładzienyja prezidentu i abaviazkova buduć niejkija miery reahavańnia — u vypadku, kali hetaja pahroza stanie niejkaj realnaściu», — skazaŭ Kruty.
Pa słovach namieśnika kiraŭnika Administracyi prezidenta, ułady Biełarusi «tak užo mocna, hłyboka nie vyvučali zajavy Dziarždepa». «Ja tak razumieju, prosta ŭ kalehaŭ padyšoŭ užo termin. Zvyčajna ŭ sakaviku-krasaviku jany razhladajuć takija rašeńni i ciapier anansavali ich, pa mienšaj miery, na ŭzroŭni asobnych aficyjnych asob», — adznačyŭ jon.
Kamientary