Sport

Matč lidaraŭ i zachodniaje derbi — što cikavaha budzie ŭ trecim tury vyšejšaj lihi

Čempijanat Biełarusi adnaŭlajecca paśla mižnarodnaj paŭzy, u jakoj zbornaja Biełarusi vyjhrała ŭ raźbitaj kavidam zbornaj Estonii (4:2) i była źniščana bielhijskimi reziervistami z rekordnym likam 0:8. 

Ciapier mižnarodnyja spravy sastupajuć centralnuju rolu łakalnamu pieršynstvu, u jakoje zborniki viartajucca demaralizavanymi. 

Čytać taksama:

Pakul bieź siensacyj. 5 nazirańniaŭ paśla pieršych turaŭ čempijanatu Biełarusi pa futbole

Davajcie zhadajem, jak skončylisia matčy druhoha tura:

  • «Słavija» — «Tarpieda-BiełAZ» 0:1 (80, Nikałajevič)
  • «Isłač» — «Smarhoń» 2:0 (17; 50 (p), Kamaroŭski)
  • «Enierhietyk-BDU» — «Šachcior» 1:2 (58, U. Vasiljeŭ — 18 (p), Kiendyš; 31, Sačyŭka)
  • «Viciebsk» — «Dynama-Minsk» 0:0
  • «Dynama-Brest» — BATE 0:0
  • «Minsk» — «Ruch» 2:2 (81 (p), Ziańkovič; 86 (ah), Rachmanaŭ — 2, Łapcieŭ; 34, Kancavy) 
  • «Słuck» — «Nioman» 1:1 (64, Alfred — 42, Džyhiera)
  • «Homiel» — «Sputnik» — 2:0 (9, Homza; 56, An. Sałaviej) 

Jakija matčy adbuducca ŭ pieršyja dni krasavika?

«Nioman» — «Dynama-Brest»

  • 02.03, 17:30. Hrodna, CSK «Nioman» (štučnaje pole)

Tur adkryvaje zachodniaje derbi. Haradziency, jakija letaś stali kamandaj-siensacyjaj, zabuksavali ŭ pačatku novaha siezonu i paśla dvuch turaŭ majuć dva turnirnyja bały. Pryčym ničyju ŭ Słucku pa tym, jak raźvivałasia hulnia, možna ličyć stanoŭčym vynikam.

«Dynama» vystajała pad naporam BATE i zastajecca siarod lidaraŭ tablicy. Padobna, Siarhieju Kavalčuku ŭdałosia sabrać kamandu, jakaja budzie pakidać favarytaŭ bieź pieramoh.

BATE — «Homiel»

  • 03.04, 14:00. Barysaŭ, haradski stadyjon

Na barysaŭskim «Haradskim» BATE zdabyła nie adzin dziasiatak znakavych pieramoh: jaho trybuny pamiatajuć radaść pieršych čempijonstvaŭ i pieršaha vychadu ŭ hrupavy etap Lihi čempijonaŭ.

U BATE nie atrymałasia raskałoć mocnaje «Dynama» ŭ Breście, a ciapier u Barysaŭ jedzie «Homiel», ź jakim taksama budzie vielmi niaprosta. Ci dapamoža aŭra ołdskulnaha stadyjona hulcam «žoŭta-sinich»?

«Spadarožnik» — «Minsk»

  • 03.04, 16:00. Homiel, SDIUŠAR-8 (štučnaje pole)

Paśla dvuch turaŭ u rečyčan i minčukoŭ usiaho adzin turnirny bał na dvaich i davoli chmarnyja pierśpiektyvy. Ale «Minsk» u druhim tury prademanstravaŭ charaktar, adhulaŭšysia ź liku 0:2 u matčy z «Rucham». 

Na pačatkovym etapie lubaja pieramoha moža choć časova, ale pieratvaryć luboha aŭtsajdara ŭ sieradniaka. Tamu rola navat takoha niesamavitaha matča moža być vielmi važnaj.

«Šachcior» — «Isłač»

  • 03.04, 18:00. Salihorsk, stadyjon «Šachcior»

Za nie samaj vohniennaj afišaj chavajecca hulnia lidaraŭ turnirnaj tablicy. Dziorzkaja «Isłač» vyjhrała abodva matčy ŭ supastaŭnych pa ŭzroŭni supiernikaŭ, a ciapier jedzie ŭ Salihorsk na pieršy surjozny ispyt.

Padčas paŭzy «Šachcior» addaŭ u arendu «Niomanu» Paŭła Zabielina, a taksama źmianiŭ dyrektara — zamiest Andreja Lavončyka rulić budzie były kiraŭnik «Haradziei» Alaksandr Marčanka. Naŭrad ci rakiroŭka kardynalna źmienić viektar raźvićcia čempijonaŭ, ale budziem sačyć za dalejšymi pieramienami.

«Tarpieda-BiełAZ» — «Viciebsk»

  • 03.04, 20:00. Žodzina, stadyjon «Tarpieda»

Bronzavym pryzioram minułaha hoda pakul vielmi niaprosta. U Mazyry kamanda Puntusa tolki ŭ kancy hulni zdabyła pieramohu, a ciapier prymaje «Viciebsk», jaki choć sam i nie zabivaje, ale i sabie zabivać taksama nie daje.

Futbalisty «Tarpieda» radujucca pieramozie ŭ Mazyry. Fota FK «Tarpieda-BiełAZ».

Napeŭna, čakać halavoj fiejeryi ad kamand ź vidavočnymi prablemami ŭ atacy nie varta, ale naŭrad ci matč budzie sumnym.

«Dynama-Minsk» — «Słuck»

  • 04.04, 14:00. Minsk, stadyjon «Dynama»

Z adnym z favarytaŭ lihi paśla razhromnaj pieramohi ŭ pieršym tury zdaryŭsia kanfuz u Viciebsku. U hulni sa ścipłym «Słuckam» «Dynama», vidać, budzie pravodzić rabotu nad pamyłkami.

Ale hod tamu, na pačatku trenierskaj karjery Kučuka ŭ Minsku, «Słuck» pieramoh u «Dynama». Pra heta zabyvać nie varta, navat kali ŭ słuččakoŭ zastaŭsia mizier z hulcoŭ, jakija zdabyvali tuju pieramohu.

«Słavija» — «Smarhoń»

  • 04.04, 16:00. Mazyr, stadyjon «Junactva»

Jašče adna hulnia aŭtsajdaraŭ tablicy. U kampaniju da debiutantaŭ davoli niečakana trapiła «Słavija» ź dźviuma minimalnymi parazami, atrymanymi ŭ kancy matčaŭ.

Pryjezd «Smarhoni» — dobraja nahoda narešcie pieramahčy i śpisać minułyja parazy na niaŭdačy.

«Ruch» — «Enierhietyk-BDU»

  • 04.04, 18:00. ASK «Brescki»

Tur skončycca ŭ Breście, dzie «Ruch» budzie z treciaj sproby sprabavać zdabyć pieršuju pieramohu. 

Fota FK «Ruch».

Vidavočna, niahledziačy na prabuskoŭku, bieraściejcy źjaŭlajucca favarytami hulni, ale nahadvać u čarhovy raz, na što zdolnyja minskija «studenty», nie varta. 

Pieršaja pieramoha «Ruchu» moža adkłaścisia jašče na adzin tur.

Kamientary

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

«Vada pranikła ŭnutr, zapoŭniła sałon mnie pa pojas, ruki treślisia». Chto taja dziaŭčyna z zapaminalnaha fota minskaha patopu3

U Biełarusi pačałasia pieradvybarčaja ahitacyja za Łukašenku FOTAFAKT30

Suśvietnyja ceny na kavu bjuć rekordy. Košt vašaha łate pad pahrozaj5

Vatykan pryznačyŭ lidskaha ksiandza Andreja Znoska biskupam. Roŭna hod tamu jaho zatrymlivali siłaviki

Stała viadoma, u čym padazrajuć Ramašeŭskuju, Dzikavickaha i inšych top-mieniedžaraŭ «Biełsata»19

U Italii žurnalistku aštrafavali za žarty pra rost premjer-ministra Miełoni — heta paličyli bodyšejminham1

Jak biełarusam jeździć praź miažu na aŭto, zarehistravanych u ES, kali biełaruskija numary akažucca pad poŭnaj zabaronaj4

«Nie chočuć razumieć, što heta vajna!» Łukašenka vykazaŭ pretenzii paciarpiełym ad bury25

Cichanoŭskaja sustrełasia z prezidentam Sierbii Vučyčam3

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →