Navuka i technałohii

Navukoŭcy raspracavali bolš ekałahičnaje avijapaliva z charčovych adkidaŭ. Paloty płanujuć pačać z 2023 hoda

Navukoŭcy raspracavali novy padychod da vytvorčaści avijapaliva z charčovych adkidaŭ. Pa ich mierkavańni, heta značna skaračaje vykidy vuhlakisłaha hazu padčas palotaŭ.

Fota Depositphotos.com

Na siońnia bolšaść charčovych adkidaŭ pieratvarajecca ŭ mietan. Adnak navukoŭcy z ZŠA znajšli sposab pieratvaryć hetyja adkidy ŭ adzin z typaŭ parafinu, jakim možna zapraŭlać reaktyŭnyja ruchaviki.

Ekśpierty śćviardžajuć, što takoje paliva skaračaje vykidy parnikovych hazaŭ na 165% u paraŭnańni z tradycyjnym palivam z vykapniovaj enierhii. Heta ličba zychodzić sa skaračeńniaŭ vykidaŭ vuhlarodu ad samalotaŭ i ad źmianšeńnia charčovych adkidaŭ, jakija vyłučajuć parnikovyja hazy na śmietniku, piša BBC.

Avijacyjnaja pramysłovaść va ŭsim śviecie sutykajecca sa składanym pytańniem, jak zadavolić popyt na paloty, jaki značna ŭzraście paśla źniaćcia abmiežavańniaŭ, i ŭ toj ža čas chutka skaracić vuhlarodnyja vykidy ŭ hetym siektary.

Kab stvaryć ekałahičnaje avijapaliva, navukoŭcy pieraryvajuć praces pieratvareńnia charčovych adkidaŭ u mietan. U vyniku jany atrymlivajuć latučyja tłustyja kisłoty, a nie CH4.

Zatym daśledčyki z dapamohaj katalityčnaj kanviersii źmianiajuć latučyja tłustyja kisłoty na dva roznyja typy parafinu. Paśla hetyja dva typy źmiešvajucca i da zvyčajnaha avijapaliva dadajecca 70% takoj sumiesi. Atrymanaje avijapaliva značna bolš ekałahičnaje, a bolš za toje, adpaviadaje ŭsim kryteram jakaści.

Jašče adna pieravaha takoha paliva — skaračeńnie kolkaści sažy na 34%. Saža spryjaje ŭtvareńniu kandensacyjnaha śledu samalota, jaki ŭtvaraje parnikovy efiekt.

Daśledčyki płanujuć pašyryć vytvorčaść ekałahičnaha avijapaliva i pravieści testavyja paloty ŭ 2023 hodzie.

Kamientary

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie20

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →