Makiej spadziajecca na adnaŭleńnie adnosin ź Jeŭrasajuzam

Akcyi pratestu ŭ Biełarusi, jakija praciahvajucca ad žniŭnia, i reakcyja na ich uładaŭ spravakavali ŭviadzieńnie sankcyj suprać biełaruskich čynoŭnikaŭ i pradpryjemstvaŭ krainami Jeŭrapiejskaha sajuza i ZŠA. Padtrymku Minsku praciahvaje akazvać Rasija. Pry hetym kazać ab tym, što ŭ zamiežnaj palitycy krainy zastaŭsia tolki rasijski viektar, było b niapravilna, zajaviŭ u intervju RBK ministr zamiežnych spraŭ Biełarusi Uładzimir Makiej.

«Ja nie pahadžusia, što my zastalisia adny tolki razam z Rasijaj i inšyja kantakty ŭ zamiežnapalityčnaj śfiery ŭ nas spres adsutničajuć. Zusim nie. U nas zachavalisia narmalnyja adnosiny z krainami tak zvanaj dalokaj duhi, z Kitajem, Pakistanam, inšymi», — skazaŭ ministr. Pa jaho słovach, adnosiny ź Jeŭrapiejskim Sajuzam nie spynialisia. «Jość kala dziesiaci krain, ź jakimi ŭ nas handal za minuły hod uzros, niahledziačy na pandemiju, niahledziačy na tyja palityčnyja niuansy, jakija vy zhadali. Tamu kazać pra toje, što my zastalisia tolki tolki z Rasijaj i bolš nas nichto nie padtrymlivaje, ja b nie staŭ», — skazaŭ jon.

Na dumku Makieja, ciažkaści ŭ adnosinach ź ES — časovyja: «Rana ci pozna pryjdzie ŭśviedamleńnie taho, što Biełaruś maje važnaje značeńnie, u tym liku i dla Jeŭrapiejskaha Sajuza. I zachavańnie dziaržaŭnaści Biełarusi, niezaležnaści i jaje suvierenitetu maje važnaje značeńnie i dla Jeŭropy».

U Minska praciahvajucca telefonnyja kantakty z krainami Jeŭrapiejskaha Sajuza. «Navat pa telefonie jany prysłuchoŭvajucca da niekatorych arhumientaŭ, i ja baču, što rana ci pozna hetyja našy aficyjnyja arhumienty dojduć da ich. I jany nie buduć prysłuchoŭvacca tolki da apanientaŭ ułady, jakija zaklikajuć tolki da sankcyj, da pieradačy ŭłady i pry hetym nie prapanoŭvajuć nijakaha pazityŭnaha paradku dnia» — vykazaŭ nadzieju Makiej.

«Usie pazityŭnyja momanty dla ŭsich — i dla jeŭrapiejcaŭ, i dla biełarusaŭ — za apošnija piać hadoŭ byli dasiahnuty mienavita dziakujučy kanstruktyŭnaha dyjałohu Jeŭropy ź dziejnaj uładaj», — nahadaŭ Makiej. «Kali jany chočuć admaŭlać vidavočnaje i nie pracavać ź ciapierašniaj uładaj — heta ich prava. <…> My hatovyja pracavać ź jeŭrapiejcami, my hatovyja abmiarkoŭvać lubyja pytańni, my hatovyja pracavać i z ABSIE pa abmierkavańni situacyi ŭ našaj krainie, pa znachodžańni šlachoŭ vychadu z hetaj situacyi. Ale heta nie aznačaje, što my pahodzimsia na tyja rečy, jakija jany prapanujuć: tranśfier ułady, biezumoŭny sychod ciapierašniaha prezidenta z pasady, źmiena ŭłady praz revalucyju, praź cisk vulicy i hetak dalej, i tamu padobnaje. Heta absalutna nieprymalna, tamu što revalucyja nikoli ni da čaho dobraha nie pryvodziła» — reziumavaŭ jon.

Pavodle acenki Jeŭrasajuza, situacyja z pravami čałavieka, demakratyjaj i viaršenstvam prava ŭ Biełarusi značna pahoršyłasia napiaredadni, padčas i paśla prezidenckich vybaraŭ 9 žniŭnia 2020 hoda, jakija ES abviaściŭ niesvabodnymi i niespraviadlivymi.

Čytajcie taksama: Makiej raskazaŭ pra temy pieramoŭ Łukašenki i Pucina

• 0
• 0
• 0
• 0
• 0
• 0
• 0
• 0