Sprava Kaciaryny Barysievič i doktara Arcioma Sarokina budzie razhledžvacca ŭ sudzie Maskoŭskaha rajona
Kryminalnaja sprava pa abvinavačvańni žurnalistki Tut.by Kaciaryny Barysievič i doktara Balnicy chutkaj miedycynskaj dapamohi Arcioma Sarokina budzie razhledžvacca ŭ sudzie Maskoŭskaha rajona Minska, ich abvinavačvajuć u razhałošvańni miedycynskaj tajamnicy. Data pasiadžeńnia pakul nie pryznačanaja.
Adnačasova ŭ hetym ža budynku budzie prachodzić inšy hučny praces, pa «spravie Biełhazprambanka», z udziełam eks-bankira Viktara Babaryki, paviedamlaje Tut.by.
Kaciaryna Barysievič i Arciom Sarokin byli zatrymanyja 19 listapada 2020 hoda.
Paźniej im vystavili abvinavačvańnie ŭ «razhałošvańni miedycynskaj tajamnicy, što paciahnuła ciažkija nastupstvy» (č. 3 art. 178 KK RB).
Padstavaj staŭ apublikavany 13 listapada artykuł, u jakim havaryłasia, što ŭ kryvi Ramana Bandarenka, jaki pamior paśla źbićcia 11 listapada na «płoščy Pieramien», nie było ałkaholu.
Heta razychodzicca ź viersijaj SK i Alaksandra Łukašenki, nahadvaje Tut.by.
Kaciaryna Barysievič i Arciom Sarokin znachodziacca ŭ SIZA №1 Minska. Pry hetym rodnyja Ramana da žurnalistki i doktara pretenzij nie majuć.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
«Prosta zalivaješsia ślaźmi i dumaješ: za što?» Iryna Ščasnaja i jaje čatyry balučyja hady za kratami4
Kamientary