Ułada

Stała viadoma, dzie znachodzicca Siarhiej Rumas i ŭ čym sens pretenzij da jaho

U sietcy šyracca śćviardžeńni pra zatrymańnie byłoha premjer-ministra Siarhieja Rumasa. Navodziać tumanu ni adkazy žonki: «Muž nie doma», ni kamientary KDB: «Nie možam paćvierdzić, nie možam abvierhnuć». 

«Naša Niva» pasprabavała razabracca ŭ sutnaści taho, što adbyvajecca.

Najpierš, pavodle našaj infarmacyi, Siarhiej Rumas na voli i znachodzicca ŭ adnoj z zachodnich krain, dzie žyvuć jaho starejšyja syny (adzin u Italii, druhi ŭ Brytanii) — jon pajechaŭ na dzień narodzinaŭ i jašče nie viartaŭsia ŭ Biełaruś. 

Adkul tady mohuć paŭźci čutki ab zatrymańni? 

Jak viadoma «Našaj Nivie», učora šerah bankiraŭ vyklikali ŭ Departamient finansavych rasśledavańniaŭ. Paśla dopytaŭ vyjšli na svabodu nie ŭsie.

Pa niepaćvierdžanaj pakul infarmacyi, zatrymany były staršynia praŭleńnia Bielinviestbanka Hienadź Sysojeŭ — blizki siabra Rumasa, razam jany išli i pa pracy, i pa žyćci. Sysojeŭ niekali byŭ namieśnikam Rumasa ŭ Biełahraprambanku, apošnim časam uznačalvaŭ prablemny «Barysaŭdreŭ».

Rumas asabista paručaŭsia za taho ŭ składanyja momanty žyćcia, kali Sysojeva źniali z pasady kiraŭnika Bielinviestbanka i ledź nie pasadzili.

Vyhladaje, što pryčynaj lutaŭskich padziej staŭ jašče adzin blizki Rumasu čałaviek — biznesmien Ihar Čarniaŭski. Jon kiraŭnik i suzasnavalnik Turaŭskaha małočnaha kambinata (Turaŭ — małaja radzima Rumasa — «NN»). Hety kambinat pabudavali litaralna ŭ čystym poli, pieršuju pradukcyju — syry — jon vypuściŭ u 2013-m.

Nakolki viadoma «Našaj Nivie», sens pretenzij kantraloraŭ u tym, što pradpryjemstva pryvatnaj formy ŭłasnaści z paraj fizičnych asobaŭ u jakaści zasnavalnikaŭ budavałasia i paŭstavała za dziaržaŭnyja hrošy — u tym liku za hrošy Biełahraprambanka ŭ časy, kali im kiravaŭ Rumas.

«U Turaŭskaha kambinata było niekalki dziaržaŭnych kredytoraŭ, jaho ŭpisali ŭ adpaviednuju dziaržprahramu «raźvićcia prypiackaha Paleśsia». Nie viedaju, ci byŭ ilhotnym pracent karystańnia kredytam — imavierna, kali dziaržava raptam uspomniła», — kaža abaznanaja krynica. 

Admietna, što na pačatak 2020 hoda hety pryvatny zavod byŭ na miažy bankructva, prytym što ŭ inviestycyjny płan zakładaŭsia siamihadovy termin akuplalnaści — akurat u 2020-m jon mieŭsia pačać prynosić prybytak. 

Skrynšot vynikaŭ aŭdyta kampanijaj «RSM Bieł Audyt»

Historyja z vydačaj dziaržkredytaŭ niepaśpiachovamu zavodu daŭniaja — joj bolš za 10 hod. Ale, jak nam viadoma, pa joj u tym liku ciapier dapytvajuć ludziej.

Mabilny telefon Čarniaŭskaha ciapier niedastupny. Niekali hety pradprymalnik taksama byŭ ułaśnikam adnoj z najbolšych sietak kramaŭ — «Rodnaja staronka». Biznesu pryjšoŭ kaniec paśla krachu ŭkrainskaha akcyjaniera «Delta-banka» Mikałaja Łahuna — partniora Čarniaŭskaha pa «Rodnaj staroncy». 

Jašče adzin bok hetaha siužetu — pytańni pa vydadzienych kredytach na drevaapracoŭku. Ale dakładnaj infarmacyi pakul niama, viadoma tolki, što ŭ ramkach hetaj historyi zatrymlivalisia, a mahčyma, i ciapier zastajucca pad vartaj dva mieniedžary Banka raźvićcia. 

Ci jość tut palityčny składnik? Znajomyja ź situacyjaj kažuć, što kali viekapomnaje fota siamiejnaj pary Rumasaŭ na fonie pratestaŭ i paŭpłyvała na raźvićcio historyi, to tolki ŭskosna — maŭlaŭ, jašče viasnoj 2020-ha Dziaržkantrol pačynaŭ aktyŭna cikavicca historyjami z małočnym zavodam i drevaapracoŭkaj.

Kamientary

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?11

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Usie naviny →
Usie naviny

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

Ryžankoŭ: Biełaruś hatova da dyjałohu z Polščaj pa situacyi na miažy19

U załatoj bucy na Jeŭra-2024 adrazu niekalki ŭładalnikaŭ

Jak adroźnivajucca ŭmovy pracy dla IP u Biełarusi i Litvie? 1

Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel2

Arhiencina vyjhrała Kubak Amieryki pa futbole — i heta taksama rekord

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask30

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

bolš čytanych navin
bolš łajkanych navin

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?11

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Hałoŭnaje
Usie naviny →