U Minsku abharadzili sud, u jakim buduć razhladać spravu top-mieniedžaraŭ «Biełhazprambanka»
Budynak suda Maskoŭskaha rajona Minska aharadzili. Tam u čaćvier budzie prachodzić papiaredniaje sudovaje pasiadžeńnie pa «spravie Biełhazprambanka». Hetuju infarmacyju Tut.by paćvierdzili ŭ pres-słužbie Viarchoŭnaha suda.
Zvyčajna padobnyja aharodžy źjaŭlajucca na bujnych mierapryjemstvach u horadzie.
U pres-słužbie Viarchoŭnaha suda rastłumačyli, što miery biaśpieki źviazanyja z pracesam u dačynieńni da top-mieniedžaraŭ «Biełhazprambanka», jaki siońnia praanansavali.
Viarchoŭny sud pryniaŭ da vytvorčaści dla razhladu pa pieršaj instancyi kryminalnuju spravu pa abvinavačvańni Viktara Babaryki ŭ ździajśnieńni złačynstvaŭ, praduhledžanych č. 2 art. 235, č. 3 art. 430 KK; Alaksieja Zadojki, Kiryła Badzieja, Siarhieja Šabana, Dźmitryja Kuźmiča, Alaksandra Iljasiuka, Siarhieja Dabraleta ŭ ździajśnieńni złačynstva, praduhledžanaha č. 3 art. 430 KK, Viktara Kabiaka ŭ ździajśnieńni złačynstva, praduhledžanaha č.2 art. 431 KK.
— Z šaściu abvinavačanymi zaklučany dasudovyja pahadnieńni ab supracoŭnictvie, u suviazi z čym dla vyrašeńnia pytańnia ab pryznačeńni sudovaha razboru pa kryminalnaj spravie na 4 lutaha 2021 hoda pryznačanaje papiaredniaje sudovaje pasiadžeńnie, — skazana ŭ paviedamleńni Viarchoŭnaha suda.
Paviedamlajecca, što ŭ suviazi z epidemijałahičnaj situacyjaj buduć pryniaty miery pa niedapuščeńni raspaŭsiudžvańnia karanavirusnaj infiekcyi i zabieśpiačeńni sacyjalnaha dystancyjavańnia pry rassadžvańni ŭ zale. Taksama buduć pryniatyja nieabchodnyja miery biaśpieki.
Sud Maskoŭskaha rajona mahli vybrać dla razhladu hučnaj spravy tamu, što tam vielmi źmiaščalnyja zały.
Pavodle infarmacyi Sputnik, Viktara Babaryki na papiarednim pasiadžeńni nie budzie. Jaho advakaty ab pasiadžeńni ničoha nie čuli.
Minčanka pakinuła stanoŭčy vodhuk na sumku — i raptam vykryła zdradu čužoha muža20
Kamientary