Udzielniki akcyj pratestu ŭ Biełarusi nie vystupajuć suprać Rasii i za ES, ich turbujuć prablemy z demakratyjaj u samoj krainie, zajaviła ŭ čaćvier kiraŭnik MZS Šviecyi i dziejsny staršynia ABSIE An Lindzie, piša Interfax.
«U Biełarusi havorka idzie nie ab tym, kab vystupać suprać Rasii i za ES, ničoha takoha tut i niama, i heta vielmi adroźnivajecca ad taho, što, naprykład, adbyvajecca va Ukrainie», — skazała jana padčas anłajn-dyskusii.
Biełaruskaja apazicyja «nie choča, kab my vykarystoŭvali antyrasijskuju paviestku; jany chočuć, kab my kazali ab demakratyi ŭ Biełarusi — jany chočuć svabody, mahčymaści vybirać lidara, jany chočuć demakratyi», zapeŭniła dziejsny staršynia ABSIE.
Jana nahadała, što raniej mieła hutarki z roznymi pradstaŭnikami biełaruskaj apazicyi, u tym liku z byłym kandydatam u prezidenty Biełarusi Śviatłanaj Cichanoŭskaj.
ABSIE ŭ svaju čarhu, adznačyła jana, moža dapamahčy z prasoŭvańniem dyjałohu dla ŭrehulavańnia situacyi.
«Jeździli-jeździli, a potym ich nie vypuścili». Biełarusy sutykajucca ź jašče adnym vidam represijaŭ3
Kamientary