Pamiatajecie chłopca, jaki ŭ lipieni pabieh na amapaŭcaŭ u KFC? Jon zmoh zamianić kryminalnuju spravu na administratyŭnuju i vyjšaŭ sa štrafam
Paśla admovy ŭ rehistracyi Babaryki i Capkały kandydatami ŭ prezidenty pa krainie prajšli akcyi pratestu, na Niamizie 14 lipienia byli sutyknieńni z AMAP.
Tady na videa trapiŭ epizod z restarana KFC: chłopiec zabiahaje ŭ natoŭp AMAPu, chapaje čałavieka ŭ čornym za ruku, jaho skručvajuć.
Hety chłopiec, A.Š (nie choča, kab imia apubličvałasia), byŭ adnym ź pieršych zatrymanych u krainie pa 364 artykule Kryminalnaha kodeksa — hvałt abo pahroza hvałtu ŭ dačynieńni da supracoŭnikaŭ unutranych orhanaŭ.
Losy zatrymanych pa takim artykule składvajucca pa-roznamu. Š. u hetym płanie davoli fartovy čałaviek — ź jaho źniali kryminalnaje abvinavačvańnie i ŭ vieraśni vypuścili.
Jak tak vyjšła? Chłopiec raskazaŭ «Našaj Nivie».
«Heta stała dla mianie pryjemnym siurpryzam. Ja dumaŭ, što budu siadzieć jak minimum da momantu, pakul usio skončycca. Ale ci to 8-ha, ci to 10 vieraśnia mianie i jašče troch zatrymanych u toj dzień chłopcaŭ vypuścili — my na vychadzie pierasieklisia.
A ŭsio było tak: paśla zatrymańnia mnie vystavili 342 (arhanizacyja dziejańniaŭ, jakija hruba parušajuć hramadski paradak) i 364 artykuły. Z 342-m ničoha ŭ ich nie vyjšła, vidavočna, što ničoha ja nie arhanizoŭvaŭ. A z 364-m zakon niečakana, spracavaŭ na maju karyść.
Byŭ vykarystany 86-ty artykuł Kryminalnaha kodeksa — vyzvaleńnie ad kryminalnaj adkaznaści koštam pryciahnieńnia da administratyŭnaj, mnie hetuju spravu pierakvalifikavali.
U vyniku ja zapłaciŭ 30 bazavych štrafu, 2580 rubloŭ «na lačeńnie» amapaŭca, a taksama niejkuju sumu za paškodžanaje abmundziravańnie.
Siadzieŭ ja niekalki miesiacaŭ, u asnoŭnym sukamierniki byli maładyja pa 328-m artykule, za narkotyki. My hladzieli televizar i sprabavali rasšyfravać jaho jak kryvoje lusterka i zrazumieć, što ž za ścienami adbyvajeccca nasamreč», — raskazaŭ chłopiec.
Jon pakinuŭ biez adkazu pytańnie pra pryčyny svaich pavodzin i pra toje, ci škaduje ab niečym.
Stała viadoma pra zatrymańnie 77-hadovaha Vasila Hustyra, adnaho z najlepšych ahraryjaŭ Biełarusi6
Kamientary