Alaksandr Łukašenka sabraŭ naradu pa pytańniach udaskanaleńnia zakanadaŭstva.
«Pravaachoŭnyja i inšyja dziaržaŭnyja orhany dazvolili našaj krainie nie zvalicca ŭ prorvu čarhovaj kalarovaj revalucyi, jak by taho ni chacieli zamiežnyja sponsary pratestaŭ», — cytuje słovy Łukašenki BiełTA.
Jon adznačyŭ, što za apošnija hady ŭ krainie šmat zroblena ŭ kirunku libieralizacyi pravavych normaŭ. «Adnak minułyja padziei vostra staviać pytańnie: ci nie zanadta my zachapilisia? Zakanadaŭstva pavinna nie tolki apieratyŭna reahavać na lubyja parušeńni, ale i praduchilać mahčymyja pahrozy. I heta samaje hałoŭnaje», — skazaŭ Łukašenka.
Jon kanstatavaŭ, što pa prapanovach hramadzian šerah nieabchodnych dla hetaha normaŭ užo ŭklučany deputatami ŭ novyja kodeksy ab administracyjnaj adkaznaści, a taksama ŭ papraŭki da kryminalnaha zakanadaŭstva. «Ci dastatkova hetaha ci treba niešta jašče, naprykład u śfiery baraćby z ekstremizmam, teraryzmam?
Moža być, varta taksama viarnucca da zakanadaŭstva ab masavych mierapryjemstvach i inšych aktaŭ, jakija tyčacca hramadskaj biaśpieki?
Pahladzieć, jak za miažoj, u tych ža Francyi, Hiermanii dy i ŭ susiedniaj Rasii? — pacikaviŭsia Łukašenka. — Adkazy na hetyja pytańni pavinny być u orhanaŭ, jakija znachodziacca siońnia na pieradavoj procidziejańnia sprobam destabilizacyi abstanoŭki ŭ krainie».
Jak adznačyŭ Łukašenka, kaardynuje adpaviednuju pracu Dziaržsakrataryjat Rady biaśpieki, aktyŭna ažyćciaŭlaje nahlad za vykanańniem zakanadaŭstva Hienieralnaja prakuratura, Viarchoŭny sud zabiaśpiečvaje sudovy razhlad materyjałaŭ, padrychtavanych pravaachoŭnymi i inšymi ŭpaŭnavažanymi orhanami.
«Tamu chaču pačuć ad prysutnych tut kiraŭnikoŭ maksimalna ŭzvažanyja prapanovy pa tematycy narady. Treba nie zachaplacca pryvatnaściami i viedamasnymi intaresami, a padumać ab hłabalnym, pierš za ŭsio, ab nastupstvach dla biaśpieki krainy. Nam važna vyznačycca, čaho realna nie chapaje ŭ zakanadaŭstvie dla nadziejnaha vyjaŭleńnia i spynieńnia lubych dziejańniaŭ, nakiravanych suprać dziaržavy», — zajaviŭ Łukašenka.
Pamiatajecie pravakatara i danosčyka Jaŭhiena Kakojtu? Jon ciapier taksama palitviazień13
Kamientary