Daśledčykam VIČ spatrebiłasia 4 hady i $119 miljonaŭ, kab pravieryć, ci mohuć antycieły, stvoranyja ŭ łabaratoryi, abaranić ad infiekcyi. Navukoŭcy śćviardžajuć, što mohuć, ale nie zaŭsiody.
Dla ludziej, jakim kožnyja 8 tydniaŭ uvodzili monakłanalnyja antycieły, ryzyka zarazicca VIČ mienšała na 75%, ale tolki ŭ tym vypadku, kali ich atakavaŭ toj štam virusa, jaki adpaviadaŭ antyciełu, paviedamlaje vydańnie Science.
Daśledčyki miarkujuć, što taki padychod, jaki moža zabiaśpiečyć nasielnictvu «pasiŭny imunitet» (u paraŭnańni z aktyŭnym, što dajuć vakcyny), vierahodna, budzie adnosna efiektyŭnym u baraćbie z bolšaj kolkaściu štamaŭ VIČ dziakujučy manakłanalnym antyciełam.
Vyvučeńnie składałasia z dvuch daśledavańniaŭ ludziej z vysokaj ryzykaj zaražeńnia VIČ: pieršaje pravodziłasia siarod 1900 žančyn ź siami afrykanskich krain, a druhoje siarod 2400 mužčyn, jakija mieli pałavy kantakt ź inšymi mužčynami, i transhiendarnych žančyn z Paŭdniovaj Amieryki, Šviejcaryi i ZŠA. Pałova ź ich atrymlivała manakłanalnaje antycieła, stvoranaje z kryvi pacyjenta ź VIČ niekalki hadoŭ tamu, kožnyja 8 tydniaŭ na praciahu 20 miesiacaŭ. Druhoj pałovie dastałasia płaceba. Usie praviaralisia na VIČ kožnyja 4 tydni. Kali chtości zaražaŭsia, daśledčyki brali analiz kryvi i vyjaŭlali, jak antycieła ŭździejničaje na virus.
U vyniku 70% štamaŭ VIČ, najbolš raspaŭsiudžanych u miescach daśledavańniaŭ, byli tymi varyjantami, na jakija antycieła nijak nie paŭpłyvała. Z hetaha punktu hledžańnia, vyvučeńnie skončyłasia niaŭdačaj. Adnak ludzi z kantrolnaj hrupy mieli štam VIČ, jaki supadaŭ z monakłanalnym antyciełam. Pa padlikach u ich nazirałasia źnižeńnie ryzyki zachvorvańnia na 75%.
Łary Kory, virusołah z Vašynhtonskaha ŭniviersiteta i adzin z daśledčykaŭ infiekcyi, zajaviŭ, što monakłanalnyja antycieły možna vykarystać ź niejtralizujučymi antyciełami suprać VIČ. Takaja prafiłaktyčnaja sumieś, vierahodna, budzie dziejničać suprać 95% virusaŭ.
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?43
Kamientary