Hramadstva

Na Mahiloŭščynie aktyvist prasiedzieŭ u niavoli za pratesty 77 dzion

Paśla čarhovych 15 dzion administracyjnaha aryštu ŭ Horkach ź miascovaha izalataru vypuścili aktyvista ruchu «Za Svabodu» Andreja Jurkova. Jon kaža, što ahułam za čas pratestaŭ pravioŭ u niavoli 77 sutak, piša «Svaboda».

Pieršaje, što zrabiŭ aktyvist, viarnuŭšysia ŭ rodny Drybin, — adznačyŭ Vadochryšča akunańniem u pałonku miascovaha voziera.

Zatrymali Andreja Jurkova 31 śniežnia za vyviešany na balkonie bieł-čyrvona-bieły ściah. Drybinski sud prysudziŭ jamu spačatku piać dzion aryštu. A pa vyzvaleńni dadaŭ novyja piatnaccać za videa, na jakim aktyvist prahulvajecca na łyžach u bieła-čyrvonym šaliku z nadpisam «Biełaruś».

«Heta byŭ zvyčajny šalik, ź jakim hadoŭ dvaccać chodziać na futboł zaŭziatary, — kaža aktyvist. — Ja jaho i nabyŭ na mienskim stadyjonie «Dynama». Nasiŭ i raniej, pretenzijaŭ nie było».

Jurkoŭ pryznajecca: rehularnyja zatrymańni dla jaho samoha zahadka. Jon nia moža zrazumieć, čym tak raśćvialiŭ miascovuju ŭładu. Adzinaje tłumačeńnie, jakoje znachodzić: «Słužboŭcam treba pakazvać vyšejšamu načalstvu z Mahilova, jak jany zmahajucca z pratestavymi nastrojami ŭ rajonie».

Adbyvaŭ pakarańnie Jurkoŭ u susiednich Horkach, bo ŭ Drybinie IČU zakryli. 2021 hod sustrakaŭ u samocie, zhadvajučy radki ź pieśni Źmitra Vajciuškieviča: «Pieršy raz za ŭsio žyćcio Novy hod u adzinocie». Achoŭniki na jahonuju prośbu dali paśla 23-j hadziny kipniu, i jon zaparyŭ sabie harbaty. Da jaje byli pieradadzienyja siastroj mandaryny. Pra nadychod 2021 hodu daviedaŭsia, jak pačali buchać na voli saluty.

«Hetuju ciažkuju nošu pierakładać nikomu nie vypadaje, — adkazvaje aktyvist na pytańnie pra čakańni ŭ novym hodzie. — Čas vybraŭ nas. Naryvacca ja b nikomu nia raiŭ, ale i stajać ubaku nivodzin sumlenny čałaviek nia zdoleje ŭ takoj, jak u nas, sytuacyi».

U novym hodzie jamu kampaniju ŭ kamery składali nia tolki bytavyja chulihany, pjanicy dy siamiejnyja debašyry, ale i ziemlaki, asudžanyja za toje samaje, što i jon. Traich žycharoŭ Drybina zatrymali za toje, što jany sfatahrafavalisia ź bieł-čyrvona-biełym ściaham u miascovym parku. Dvaim dali pa 15, a adnamu 7 dzion aryštu.

«Heta novyja apazycyjanery, tamu davodziłasia ich adukoŭvać», — z uśmieškaj adznačaje niavolnik sa stažam.

Jon kaža, što ŭ kamery było choładna — ad ściužy na dvare ścieny chutka nastyli. Haračyja batarei nie ratavali. Kab sahrecca, siadzielcy zajmalisia fizkulturaj, padymalisia dziela hetaha navat nočču.

Z tych, kaho kinuli ŭ izalatar za bytavyja praviny, Andreju Jurkovu zapomniŭsia 69-hadovy mužčyna, jakoha za svarku «zdała milicyi tajkom žonka». Pa słovach aktyvista, pensijaner šmat hod adpracavaŭ u miascovym PMK mastakom-azdablalnikam.

Bolšaja ž častka niavolnikaŭ trapiła ŭ izalatar praz złoŭžyvańnie alkaholem. Aktyvist kaža, što mnohim z «narmalnych ludziej» hety płast hramadztva nieznajomy, bo ŭ žyćci redka ź im pierakryžoŭvajucca.

Aktyvista ŭraziła, jak ciažka jahonyja sukamerniki vychodzili z zapoju. Niekatoryja bilisia hałovami ŭ dźviery, i vyvodzili ich «z šalenstva» medyki.

Siońniašniuju noč Andrej Jurkoŭ pravioŭ u adnoj kamery z maładym mužčynam, jaki napadpitku bujaniŭ, a potym supakoiŭsia. U jaho maładaja žonka, synu piać miesiacaŭ. Vyžyvać dapamahajuć baćki.

«A što jamu jašče rabić u Horkach? — pytajecca aktyvist. — Pracy tut niama. U Rasieju ciapier nia vyjedzieš. Tamu narod šaleje. Kab była praca i hodny zarobak, to ludzi b nie śpivalisia, bo byli b zaniatyja. A tak tupik».

Kamientary

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda2

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku6

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

Pucin zrabiŭ Z-śpievaka Šamana zasłužanym artystam Rasii5

bolš čytanych navin
bolš łajkanych navin

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda2

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda

Hałoŭnaje
Usie naviny →