Śviet

Śvietłahorskija rabočyja trapili ŭ balnicu paśla źmieny na zavodzie. Zavod abviarhaje infarmacyju ab atručeńni chłoram

Paśla źmieny na zavodzie dvoje rabočych padradnaj arhanizacyi apynulisia ŭ balnicy. Pa słovach žonki adnaho ź ich, mužčyny mahli atrucicca chłoram. Milicyja pravodzić pravierku, piša «Ranak».

— U subotu (16 studzienia — zaŭv. red) muž pryjšoŭ z pracy i ŭ jaho pačałasia vanity, staŭ zadychacca, — raspaviadaje žonka paciarpiełaha. — Ja vyklikała «chutkuju». Miedyki akazali pieršuju dapamohu i zabrali muža ŭ balnicu. Pra toje, što zdaryłasia, ja paviedamiła jaho kiraŭnictvu (u padradnuju arhanizacyju — zaŭv. red.). Naparnik muža źviarnuŭsia pa dapamohu da miedykaŭ na nastupny dzień, kali jamu stała horš. Paśla hetaha nam telefanavali majstar, načalstva, vykazvali zaniepakojenaść. Jak raźvivalisia padziei na samim zavodzie, nie viedaju. Ale paśla źmieny muža tam pavinna była pracavać nastupnaja źmiena ad ich arhanizacyi.

Pa słovach žančyny, bryhada z čatyroch čałaviek, u jakoj byŭ i jaje muž, zajmałasia ramontam u varačnym cechu AAT «Śvietłahorski CKK» na praciahu tydnia, źmiena — vosiem hadzin.

— Z-za marozu pamiaškańnie nie adkryvali, — praciahvaje žančyna. — Jon paśla pracy ŭ hetym niepravietranym cechu pakašlivaŭ. Padčas subotniaj źmieny muž adčuŭ mocny pach chłoru ŭ cechu, paviedamiŭ majstru. Tam stali niešta rabić, prahučała fraza «pieravyšeńnie chłoru». Bryhada pracavała ŭ reśpiratarach, jakija abaraniajuć chiba što ad pyłu. Takoj abarony, jak u rabočych CKK, u ich nie było.

Ciapier, kaža žančyna, muž adčuvaje siabie zdavalniajuča. Ab špitalizavanych z prykmietami atručvańnia mužčynach miedyki paviedamili ŭ RAUS. Z paciarpiełymi mieŭ znosiny milicyjanier.

U svaju čarhu Śvietłahorski CKK abviarhaje infarmacyju ab atručeńni ludziej chłoram.

«Administracyja AAT «Śvietłahorski CKK» paviedamlaje, što raźmieščanaja ŭ internecie 19 studzienia infarmacyja ab atručeńni rabotnikaŭ padradnaj arhanizacyi chłoram padčas ramontnych rabot na zavodzie bielenaj celułozy źjaŭlajecca niedakładnaj. Elemientarny chłor u vytvorčaści bielenaj celułozy pa mietadzie ECF nie vykarystoŭvajecca i nie ŭtvarajecca», — havorycca ŭ paviedamleńni.

Vytvorčaść bielenaj celułozy pracavała ŭ vychadnyja dni i praciahvaje pracavać u štatnym režymie, zajavili na zavodzie.

Kamientary

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Usie naviny →
Usie naviny

Rasijski šachied vybuchnuŭ za 55 km ad Babrujska22

Pasłableńni dla biełaruskich turystaŭ uvodzić Tajłand

Ź biełarusam tydzień niama suviazi paśla taho, jak jon pierasiok miažu z Polščaj1

88-hadovy apalny eks-kiraŭnik «Pinskdreva» Arynič žyvie ŭ Biełastoku ŭ zdymnaj kvatery za košt svajakoŭ2

Pamior Ihar Hips

«Kali ŭpała pieršaja ldzinka, ja zrazumieła, što ŭsio». Hrad pamieram z kurynaje jajka paškodziŭ mašynu biełaruski2

U Biełarusi zatrymali litoŭca, jaki abvinavačvajecca na radzimie ŭ zabojstvie2

Cichanoŭskaja: Abmiežavańni na miažy nie zakranuć aŭtobusy i maršrutki22

Litoviec raskazaŭ, jak trapiŭ u połk Kalinoŭskaha3

bolš čytanych navin
bolš łajkanych navin

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Hałoŭnaje
Usie naviny →