Hramadstva

Žančyny, jakaja čaplałasia da Cichanoŭskaha, niama ŭ śpisie śviedak. Praciahvajecca praces pa spravie zatrymanych na pikiecie ŭ Hrodnie

Praciahvajecca sudovy praces nad abvinavačanymi Jaŭhienam Raźničenkam, Uładzimiram Knihaj i Dźmitryjem Furmanavym. Ich zatrymali 29 maja na pieradvybarčym pikiecie ŭ Hrodnie. U śpisie śviedak niama proźvišča žančyny, jakaja čaplałasia z pytańniami da Cichanoŭskaha, z hetaha i pačaŭsia kanflikt. A ŭčastkovy milicyjanier, jaki ŭpaŭ na ziamlu, acaniŭ svaje maralnyja pakuty ŭ 8 tysiač rubloŭ.

Fota Radyjo Svaboda. 

Siońnia paciarpiełyja milicyjaniery na sud nie pryjšli, dvoje pracujuć na Vadochryščy, treci — na vučobie, čaćviorty chvareje. Praz heta bolš jak na tydzień adkłali razhlad spravy.Takim čynam, u sudzie paśpieli dapytać tolki adnaho abvinavačanaha — Dźmitryja Furmanava, jon źbiraŭ podpisy za Śviatłanu Cichanoŭskuju.

Byŭ zatrymany 29 maja na pikiecie, siadzieŭ za stałom i praciahvaŭ źbirać podpisy. Zatym da jaho prybiehli amapaŭcy, schapili pad ruki i paciahnuli praz skvier u mašynu na vačach u jaho baćkoŭ, jakija taksama byli na pikiecie.

— Da mianie padbiehli nieviadomyja ludzi ŭ cyvilnym adzieńni. Padchapili, ja atrymaŭ udar u tvar, z-za čaho na niekatory čas adklučyŭsia, — zhadvaŭ jon u sudzie pra svajo zatrymańnie. — U aŭtobusie mianie kinuli na padłohu, užyli bolevy pryjom na zapiaści, u hety momant ja pračnuŭsia. U takim stanoviščy prabyŭ da vyhruzki ŭ niejki budynak. Vyhružali ŭ hrubaj formie, z kapiušonam na hałavie, u sahnutym stanie, jak bandyta. Potym ja zrazumieŭ, što heta, napeŭna, milicejski ŭčastak, tamu što ludzi ŭnutry budynka byli ŭžo ŭ formie.

Na pieršym pasiadžeńni Furmanaŭ raspavioŭ, što ź lutaha 2020 hoda byŭ adnym z administrataraŭ tielehram-čata «Kraina dla žyćcia». Siońnia ŭdakładniŭ, što nijakich zaklikaŭ da hvałtu i parušeńnia hramadskaha paradku z nahody pikietu 29 traŭnia ŭ Hrodnie nie było, nie vykazvali takija prapanovy ŭdzielniki i niepasredna pry zbory podpisaŭ.

— Kali vy jechali 29 maja z Homiela ŭ Hrodna, abmiarkoŭvali ź Cichanoŭskim, što akramia zboru podpisaŭ budzie prachodzić jašče masavaje mierapryjemstva? — udakładniła ŭ palitviaźnia sudździa.

— Nie, abmiarkoŭvaŭsia tolki pytańnie zboru podpisaŭ.

— Ci źviartaŭsia da vas Cichanoŭski z prośbaj padabrać ludziej u kamandu dla pieradvybarčaj kampanii?

— Nie było takoha.

— Vy sami prapanoŭvali kamu-niebudź ustupić u inicyjatyŭnuju hrupu? Prychodzić na pikiet? Dać, jak vy kazali, intervju Cichanoŭskamu?

— Tolki baćkam kazaŭ, kali ŭ vas jość žadańnie mianie ŭbačyć, kali łaska. U inšyja harady nikoha nie klikaŭ.

Dopyt Furmanava skončany. Na siońnia śviedki nie vyklikalisia. Darečy, u śpisie śviedak nie značycca proźvišča žančyny, jakaja dajmała pytańniami Siarhieja Cichanoŭskaha na pikiecie ŭ Hrodnie, z čaho i pačaŭsia kanflikt, kali da ŭdzielnikaŭ padyšli milicyjaniery. Ale ŭdzielniki pracesu mohuć zajavić chadajnictva ab jaje vykliku sud.

Paciarpiełyja na siońniašniaje pasiadžeńnie nie źjavilisia, a dopyt Knihi i Raźničenki adbudziecca, kali buduć dapytanyja ŭsie ŭdzielniki pracesu i vyvučanyja piśmovyja materyjały spravy. U suviazi z hetym abvieščany pierapynak, nastupnaje pasiadžeńnie adbudziecca 28 studzienia.Nahadajem, fihurantaŭ abvinavačvajuć va ŭdziele ŭ dziejańniach, jakija hruba parušajuć hramadski paradak, Knihu i Raźničenku taksama ŭ hvałcie ŭ dačynieńni da supracoŭnikaŭ milicyi. Usie troje vinu nie pryznajuć. Pravaabaroncy pryznali fihurantaŭ palitviaźniami.

Kamientary

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?3

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

Usie naviny →
Usie naviny

Chto taki Vadzim Krasikaŭ, u jakim tak zacikaŭlenaja Rasija?1

U Kałužskaj vobłaści paciarpieŭ krušeńnie viertalot Mi-28, ekipaž zahinuŭ2

Samaje poźniaje rašeńnie VAR u historyi. Hoł Arhienciny na Alimpijadzie admianili tolki praź dźvie hadziny2

Chto toj chłopiec, jaki padarvaŭ rasijskaha aficera ŭ Maskvie i byŭ aryštavany ŭ Turcyi6

Džo Bajden: Ja pieradaju estafietu novamu pakaleńniu

«Raptam nie pryjšoŭ na pracu, a praz paru dzion jaho zatrymali». Novyja padrabiaznaści pra niemca, prysudžanaha da rasstrełu ŭ Biełarusi1

U Dobrušskim rajonie aśviacili chleŭ z karovami FOTAFAKT7

Biełarus nakarmiŭ vuža rybaj i źniaŭ praces na VIDEA1

U Lachavickim rajonie mužčyna chacieŭ spalić susiedski chleŭ, dy pamyliŭsia budynkam1

bolš čytanych navin
bolš łajkanych navin

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?3

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

Hałoŭnaje
Usie naviny →