Hramadstva

Jermakova ŭznačaliła Biełhazprambank

Rada dyrektaraŭ Biełhazprambanka zaćvierdziła staršynioj praŭleńnia Nadzieju Jermakovu, paviedamlajecca na sajcie banka.

Rašeńniem savieta dyrektaraŭ AAT «Biełhazprambank» ad 15 studzienia taksama ŭniesieny źmianieńni ŭ štatnyja pasady členaŭ praŭleńnia i ŭviedziena ŭ štatny raskład AAT «Biełhazprambank» pasada pieršaha namieśnika staršyni praŭleńnia.

Na pasadu pieršaha namieśnika staršyni praŭleńnia pryznačanaja Iryna Patapava.

Na pasadzie namieśnikaŭ staršyni praŭleńnia — Iryna Antonava, Kanstancin Kirjanaŭ, Uładzimir Karatkievič.

Jermakova z 15 červienia da 10 śniežnia 2020 hoda ŭznačalvała časovuju administracyju pa kiravańni Biełhazprambankam, jakuju ŭvioŭ Nacbank.

11 śniežnia 2020 hoda v. a. staršyni praŭleńnia banka stała namieśnik staršyni Iryna Patapava. Novaje praŭleńnie było sfarmiravana ź dziejučych top-mieniedžaraŭ Biełhazprambanka. U śniežni krynica, blizkaja da kiraŭnictva banka, kazała, što kandydatura eks-kiraŭnika Nacbanka Jermakovaj nie razhladałasia na pazicyju kiraŭnika banka šmat u čym z-za taho, što «jaje praca asacyjavałasia b z praciaham źniešniaha kiravańnia», paviedamlaje Tut.by.

11 červienia 2020 hoda ŭ hałoŭnym ofisie Biełhazprambanka prajšli pieratrusy. Byli zatrymanyja niekalki top-mieniedžaraŭ banka, jakich padazravali ŭ lehalizacyi srodkaŭ, zdabytych złačynnym šlacham, i va ŭchileńni ad vypłaty padatkaŭ. Hetyja dziejańni paśledavali za tym, jak były kiraŭnik Biełhazprambanka Viktar Babaryka, jaki im kiravaŭ 20 hadoŭ da maja minułaha hoda, zajaviŭ, što idzie ŭ prezidenty. Rasijskija akcyjaniery Biełhazprambanka — Hazprambank i «Hazpram» — abvinavacili Nacbank Biełarusi ŭ «niezakonnych dziejańniach pa pryznačeńni v. a. staršyni praŭleńnia i v. a. namieśnika staršyni praŭleńnia» ŭ Biełhazprambanku.

U suviazi z novym pryznačeńniem Nadzieja Jermakova budzie vymušanaja, chutčej za ŭsio, pakinuć pasadu staršyni savieta dyrektaraŭ BSB Banka.

Kamientary

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom4

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

Pres-sakratar polskaha MZS pra adnosiny ź Biełaruśsiu: Čakajem pieršaha realnaha kroku ź biełaruskaha boku8

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →