Na dziaŭčynu žurnalista Andreja Alaksandrava taksama zaviali kryminalnuju spravu
Žurnalist i miedyjamieniedžar Andrej Alaksandraŭ byŭ zatrymany 12 studzienia. Razam ź im na suviaź pierastała vychodzić i jaho dziaŭčyna Iryna Złobina.
Da viečara stała viadoma, što Alaksandraŭ prachodzić padazravanym pa kryminalnaj spravie. Siońnia siastra Złobinaj paviedamiła BiełaPAN, što Iryna taksama prachodzić pa kryminalnaj spravie, piša Tut.by.
Iryna i Alaksandr žyli razam. Dziaŭčyna skončyła fakultet fiłasofii i sacyjalnych navuk BDU. Apošnija hady zajmałasia svaim nievialikim biznesam - kvietki i vytvorčaść suvieniraŭ. Siońnia siastra Iryny była ŭ śledčaha.
Joj paviedamili, što Iryna źjaŭlajecca padazravanaj pa kryminalnaj spravie, ale nie kankretyzavali, pa jakoj.
— My napisali list z prośbaj dać infarmacyju. 15 dzion buduć davać adkaz — skazała siastra Złobinaj. Atrymać kamientar u SK Tut.by nie atrymałasia.
Nahadajem, učora stała viadoma, što Andrej Alaksandraŭ prachodzić padazravanym pavodle art. 342 KK «Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich».
Pamierłaha 52-hadovaha aŭtaślesara ź Viciebska hod tamu strašna źbili milicyjanty10
Kamientary