Alaksandr Martynovič u 2019 i ŭ 2020 hadach zajmaŭ druhoje miesca ŭ rejtynhu najlepšych futbalistaŭ Biełarusi

Alaksandr Martynovič u 2019 i ŭ 2020 hadach zajmaŭ druhoje miesca ŭ rejtynhu najlepšych futbalistaŭ Biełarusi

Futbalist rasijskaha «Krasnadara» i da niadaŭniaha času kapitan zbornaj Biełarusi pa futbole Alaksandr Martynovič vystaŭlaje ŭ instahram ramantyčnyja zdymki z rasijskaj śpiavačkaj Karynaj Prytčanka.

Karyna Prytčanka i Alaksandr Martynovič

Karyna Prytčanka i Alaksandr Martynovič

Adnosinam futbalista z žonkaj, himnastkaj i bronzavaj pryziorkaj Alimpijady-2008 Zinaidaj Łuninaj pryjšoŭ kaniec.

Para pabrałasia šlubam u 2010-m. Tady Martynovič, małady pierśpiektyŭny abaronca minskaha «Dynama», pierajazdžaŭ u Krasnadar. Zinaida, jakaja skončyła himnastyčnuju karjeru, adpraviłasia ź im.

Zinaida Łunina i Alaksandr Martynovič

Zinaida Łunina i Alaksandr Martynovič

«Mnohija čamuści ličać, kali ty vyjšła zamuž za futbalista, to trapiła ŭ raj, ale heta nie tak. Hulnia na vysokim uzroŭni — vialikaja praca. Ja sama zasłužany majstar sportu i viedaju, što heta takoje. Akramia taho, u nas z Sašam u žyćci byli roznyja momanty. Kali my ŭ Minsku budavali kvateru na apošnija hrošy, to časam navat nie było što pajeści. I tady my chadzili viačerać da Sašynych baćkoŭ — jany navat nie zdahadvalisia, čamu my tak začaścili. A skazać praŭdu nie mahli, inakš jany prapanavali b nam dapamohu, a heta nie padychodzić, my sami pavinny im dapamahać», — zhadvała Zinaida ŭ intervju «Presbołu».

Martynovič zamacavaŭsia ŭ składzie «Krasnadara», ź ciaham času byŭ abrany kapitanam kamandy. Za zbornuju jon pravioŭ 75 hulniaŭ. Tym časam u siamji naradzilisia dźvie dački, Nastaśsia i Ksienija.

Niekatory čas tamu z akaŭntaŭ muža i žonki źnikli sumiesnyja zdymki. Akazałasia, jany ŭžo nie razam — Novy hod Alaksandr sustrakaŭ u kampanii inšaj dziaŭčyny. Heta 29-hadovaja rasijskaja śpiavačka Karyna Prytčanka (Kery).

Jana niejki čas śpiavała na bek-vakale u repiera Džyhana. Navat katałasia ź im u sumiesny adpačynak, ale paśla repier viarnuŭsia da žonki. A ciapier Kery — vakalistka małaviadomaha pop-hurta INIMA.

Karyna Prytčanka

Karyna Prytčanka

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?