catholic.by

catholic.by

Jość vierahodnaść, što kiraŭnik Katalickaha kaścioła Biełarusi zmoža viarnucca ŭ krainu ŭžo siońnia. Vyrašajucca techničnyja momanty, paviedamiŭ Tut.by pradstaŭnik kaścioła.

— Tolki što razmaŭlaŭ ź mitrapalitam. Jon pakul vyrašaje techničnyja momanty, ale valizki sabranyja. Spadziajomsia, što siońnia budzie ŭ Minsku, — raspavioŭ pres-sakratar Katalickaj carkvy ŭ Biełarusi Juryj Sańko.

Detalaŭ ab dakładnym časie i sposabie viartańnia ŭ krainu pakul niama.

Učora, 22 śniežnia, Apostalski nuncyj u Biełarusi Ante Jozič zajaviŭ: pavodle infarmacyi dziaržaŭnych orhanaŭ, arcybiskup Tadevuš Kandrusievič nie maje pieraškod dla viartańnia ŭ krainu.

Pra toje, što pytańnie ź viartańniem u Biełaruś kiraŭnika katalickaj carkvy Tadevuša Kandrusieviča budzie vyrašana, taksama kazaŭ kiraŭnik MZS Uładzimir Makiej. Pavodle jaho słoŭ, adpaviednaje daručeńnie — znajści rašeńnie z ulikam usich najaŭnych pravavych miechanizmaŭ — daŭ Alaksandr Łukašenka.

Kiraŭnik Rymska-katalickaj carkvy arcybiskup Kandrusievič nie moh viarnucca ŭ krainu kala troch miesiacaŭ. Łukašenka niekalki razoŭ abvinavaciŭ Kandrusieviča ŭ tym, što jon vyjazdžaŭ u Polšču «dla kansultacyj», «jak razburać našu krainu».

31 žniŭnia pamiežniki nie prapuścili arcybiskupa Kandrusieviča z Polščy ŭ Biełaruś biez tłumačeńnia pryčyn. Paśla było zajaŭlena, što MUS pryznała pašpart Kandrusieviča niesapraŭdnym.

Ciapier mitrapalit Minska-Mahiloŭski časova žyvie ŭ parafii Śviatoha Antonija ŭ polskaj Sakołcy, za 15 km ad biełaruskaj miažy. Kiraŭnictva Kaściołam u Biełarusi arcybiskup Kandrusievič ažyćciaŭlaje dystancyjna.

Клас
0
Панылы сорам
0
Ха-ха
0
Ого
0
Сумна
0
Абуральна
0