U sudzie Połacka i Połackaha rajona 21 śniežnia na 270 rubloŭ aštrafavali prafsajuznaha lidara Viktara Stukava — za toje, što raźmiaściŭ «pałotnišča bieł-čyrvona-biełaha koleru» na bałkonie. Mužčynu zatrymali 17 śniežnia i pratrymali ŭ IČU 72 hadziny, abvinavaciŭšy ŭ praviadzieńni adzinočnaha pikietavańnia (č.1 art. 23.34 KoAP), paviedamlajuć pravaabaroncy.
Pastanovu ab pakarańni štrafam na 10 bazavych vieličyń vynies sudździa Viktar Balika. Jon paličyŭ, što Viktar Stukaŭ sapraŭdy ŭčyniŭ pravaparušeńnie, vyviesiŭšy, jak zapisana ŭ pastanovie, kalarovaje pałotnišča «z metaj publičnaha vykazvańnia svaich hramadska-palityčnych intaresaŭ».
Stukaŭ svajoj viny nie pryznaŭ.
Ale bolš za ŭsio Viktara Stukava aburyła jaho advolnaje zatrymańnie na troje sutak. Pałačanina zatrymali prosta na piešachodnym pierachodzie — na toj padstavie, što jon kaliści i dzieści pierachodziŭ darohu ŭ nieŭstanoŭlenym miescy.
Va Ukrainie zahinuła 24-hadovaja biełaruskaja dobraachvotnica Maryja Zajcava31
Kamientary