Hramadstva

Katavańni: pieršaja kryminalnaja sprava suprać biełaruskich siłavikoŭ moža być zaviedzienaja ŭ Litvie

Štab Śviatłany Cichanoŭskaj padaŭ pieršuju zajavu na rasśledavańnie złačynstva biełaruskich siłavikoŭ pa ŭniviersalnaj jurysdykcyi.

Kanviencyja suprać katavańniaŭ, pryniataja AAN u 1984 hodzie, ustanaviła ŭ dačynieńni da katavańniaŭ tak zvanuju «ŭniviersalnuju jurysdykcyju». Heta aznačaje, što vinavatyja va ŭžyvańni katavańniaŭ mohuć kryminalna pieraśledavacca ŭładami luboj dziaržavy, niezaležna ad hramadzianstva vinavatych i miesca ździajśnieńnia imi dziejańnia.

Padadzienaja zajava dla zaviadzieńnia kryminalnaj spravy pa fakcie hvałtu nad minskim pradprymalnikam Maksimam Charošynym, jakoha zatrymali ŭ dvary doma ŭ Minsku, pavieźli ŭ RUUS, dzie jon, pa jaho słovach, byŭ źbity da takoha stanu, što jaho zabrała chutkaja. Jon trapiŭ u balnicu, paśla jakoj vyjechaŭ u Litvu.

Pa spravie Charošyna sabrany vyniki miedekśpiertyzy, jakaja ŭstanaviła cialesnyja paškodžańni. Jość taksama fota i videa jahonaha zatrymańnia, na jakich adkrytyja tvary padazravanych siłavikoŭ.

Advakat Hiedrus Danielus, jaki padaŭ zajavu ŭ Hienprakuraturu Litvy, tłumačyć, što litoŭski zakon dazvalaje pravodzić dasudovaje rasśledavańnie i sam sud, kali złačynstva było ŭčynienaje nie ŭ Litvie i padazravany nie znachodzicca ŭ krainie. Abaviazkovaja prysutnaść zajaŭnika, to-bok achviary. I kali ŭ spravie jość pramyja dokazy, sud pa ŭniviersalnaj jurysdykcyi maje prava na vyniasieńnie prysudu.

Štab Śviatłany Cichanoŭskaj raspracoŭvaje padaču i inšych takich zajaŭ u roznych krainach, kudy vyjechali sotni biełarusaŭ, jakija zajavili pra katavańni z boku siłavikoŭ. U Vilni budzie znachodzicca kaardynacyjny centr prajekta.

Daradca Cichanoŭskaj Alaksandr Dabravolski zajaviŭ, što kančatkovaja meta — kryminalny pieraśled u Biełarusi asob, vinavatych u katavańniach, a pramiežkavaja — abviaščeńnie padazravanych u złačynstvach u mižnarodny vyšuk: «My zapuścili hety prajekt u ramkach «Narodnaha Trybunała». Kožny, chto ździajśniaje złačynstvy i bje dubinkami ludziej, pavinien panieści adkaznaść i nie ździŭlacca, kali jaho imia źjavicca ŭ śpisach Interpoła», — adznačyŭ Dabravolski.

Kamientary

Ad siońnia Litva maje namier uvieści abmiežavańni na ŭjezd aŭto ź biełaruskimi numarami6

Ad siońnia Litva maje namier uvieści abmiežavańni na ŭjezd aŭto ź biełaruskimi numarami

Usie naviny →
Usie naviny

Pamior Michaił Vierhiejenka1

Łatvija choča naohuł zabaranić mašynam ź biełaruskimi numarami pierasoŭvacca pa krainie8

Viciebskaja siamja znajšła źnikłaha svajaka praz 25 hod1

Tramp upieršyniu źjaviŭsia na publicy ź pieraviazanym vucham paśla strełaŭ u Piensilvanii FOTA1

Biełarus, jaki sarvaŭsia sa skały ŭ Kabardzina-Bałkaryi, zahinuŭ

«Bili fłahštokam, kab roŭna stajaŭ na kaleniach pierad načalnikam», — palitviazień, jaki mianiaŭ ściahi na bieł-čyrvona-biełyja, raskazaŭ pra źniavoleńnie

Unačy šachied znoŭ zalacieŭ u Biełaruś1

Na Vałožynščynie błasłavili novy pomnik na mahile śviatara, jakoha zabili kamsamolcy ŭ 1950 hodzie1

Što adbyvajecca z klimatam? Takaja śpioka letam budzie zaŭsiody?8

bolš čytanych navin
bolš łajkanych navin

Ad siońnia Litva maje namier uvieści abmiežavańni na ŭjezd aŭto ź biełaruskimi numarami6

Ad siońnia Litva maje namier uvieści abmiežavańni na ŭjezd aŭto ź biełaruskimi numarami

Hałoŭnaje
Usie naviny →