Nieruchomaść

Siamja Dźmitryja Baskava pradała taŭnchaus kala Drazdoŭ i kupiła šykoŭny majontak u lesie pad Minskam FOTA

Siamja staršyni Fiederacyi chakieja Biełarusi Dźmitryja Baskava nabyła šykoŭny dom u anhlijskim styli ŭ lesie kala Minskaha mora. Hety majontak byŭ vystaŭleny na prodaž niekalki hadoŭ tamu, za jaho prasili bolš za $1,1 miljona.

Płošča jaho novaha doma, jaki znachodzicca na poŭnač ad Ždanovičaŭ — bolš za 500 kvadratnych mietraŭ. Heta ŭtulnaje miesca pamiž Śvisłačču i Minskim moram. Niepadaloku, mietraŭ za 300, znachodzicca sanatoryj «Biełarusačka», toj samy, dzie łavili rasijskich «vahnieraŭcaŭ».

«Fota nie pieradaje ŭsioj atmaśfiery hetaha doma. Ciomnaja klinkiernaja cehła ručnoj farmoŭki na fasadzie, biełyja stvorki voknaŭ, błakitnyja dźviery, kavany płot — usia heta pryhažość formaŭ i tekstur dazvalaje atrymać sapraŭdnaje estetyčnaje zadavalnieńnie», — apisvali dom ryełtary.

Kidajecca ŭ vočy i vyšynia stolaŭ — až da 6 mietraŭ.

Ździełka była zaklučanaja ŭ vieraśni 2020 hoda. Elitnaja nieruchomaść zarehistravanaja na žonku Dźmitryja Baskava. Aficyjna dom kaštavaŭ kala $400 tysiač. Kali heta sapraŭdy tak, to haspadar doma źniziŭ canu ŭtraja.

Jak stała viadoma «Našaj Nivie», za niekalki dzion da darahoj pakupki Dźmitryj Baskaŭ pradaŭ svoj taŭnchaus u kvartale «Alimpik Park» niepadaloku ad Drazdoŭ.

«Alimpik Park» — žyllovy kompleks na vulicy Ratamskaj. Jaho buduje kampanija «Tapas», źviazanaja z Paŭłam Biełym, napadajučym chakiejnaj kamandy Alaksandra Łukašenki.

Taŭnchaŭsy na vulicy Ratamskaj. Adnym ź ich vałodała siamja Baskava. Fota Nadziei Bužan

Takija taŭnchausy zabudoŭščyk pradavaŭ pa $300-450 tysiač. Suma hetaj uhody pakul nieviadomaja, ale na papierach moža prykładna supadać z koštam kupli doma ŭ anhlijskim styli ŭ lesie.

***

Dźmitryj Baskaŭ

Naradziŭsia ŭ 1978 hodzie. Byŭ prafiesijnym chakieistam. Vystupaŭ za junijorskuju zbornuju Biełarusi, ale ŭ darosłym uzroście dasiahnieńniaŭ nie mieŭ. Paśla skančeńnia karjery ŭ 32 hady staŭ chakiejnym trenieram, treniravaŭ dziciačuju kamandu «Hryfony» z Kolem Łukašenkam u składzie. Paśla staŭ trenieram chakiejnaj kamandy Alaksandra Łukašenki.

U 2017 hodzie staŭ namieśnikam staršyni Fiederacyi chakieja (ciapier staršynia), z 2018 — hienieralny dyrektar chakiejnaha «Dynama» (Minsk).

Pa słovach Baskava, da 38 hadoŭ žyŭ u zdymnych kvaterach, a hrošy na ŭłasnaje žyllo zarabiŭ, udała ŭkłaŭšysia ŭ startap siabroŭ.

Sioleta Baskaŭ staŭ ułaśnikam 15% statutnaha fonda skandalnaha akumulatarnaha zavoda ŭ Breście. Vałodaje 11% budaŭničaj kampanii «Datč Star», uvachodzić u rady dyrektaraŭ «BSB-Banka».

Skandalnuju viadomaść atrymaŭ paśla zabojstva Ramana Bandarenki — miascovyja žychary zajavili, što Baskaŭ byŭ na płoščy Pieramien padčas kanfliktu, jaki pryvioŭ da trahiedyi. Nieŭzabavie ŭ internecie źjavilisia aŭdyjazapisy z hołasam, padobnym da hołasa Baskava. 

Čytajcie taksama:

Dźmitryj Baskaŭ: Mianie abvinavačvajuć u tym, da čaho ja nie maju nijakaha dačynieńnia. Tolki z-za majoj hramadzianskaj pazicyi

Baskavu i Šakutu zabaranili ŭjezd u Łatviju

Hiendyrektar CHK «Dynama» stancavaŭ na praŭładnym mitynhu, načapiŭšy čyrvona-zialony ściah na klušku VIDEA

Kamientary

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →