Internet i ŚMI

Žurnalistku Tut.by Kaciarynu Barysievič pieraviali ŭ SIZA na Vaładarskaha. Ale listy joj nie dachodziać

Kaciaryna Barysievič, fota z sacsietak

Vośmyja sutki naša kaleha Kaciaryna Barysievič znachodzicca ŭ śledčym izalatary. Amal tydzień była ŭ SIZA KDB, ciapier jana ŭ śpisach SIZA №1 na Vaładarskaha. Kaciaryna paviedamlaje ŭ listach, što starajecca trymacca. Jana atrymała ad rodnych pieršuju pieradaču z adzieńniem i praduktami. Nam viadoma, što mnohija joj pišuć, ale na žal, pakul listy joj amal nie dachodziać, piša Tut.by.

Tydzień tamu, u čaćvier 19 listapada, Kaciaryna Barysievič była zatrymanaja supracoŭnikami ŭ cyvilnym i maskach, jakija paśla pieratrusu ŭ kvatery pavieźli jaje ŭ nieviadomym kirunku. Krychu paźniej Kaciaryna paviedamiła dačce i kaleham, što jana ŭ SIZA KDB, a 20 listapada adbudziecca pieršy dopyt.

Hienprakuratura zaviała kryminalnuju spravu pa fakcie vydavańnia miedycynskaj tajamnicy, što paciahnuła ciažkija nastupstvy (č.3 art. Havorka idzie pra stan zahinułaha Ramana Bandarenku, Kaciaryna była aŭtaram artykuła, dzie pakazvałasia, što ŭ jaho Kryvi nie było ałkaholu. Druhi fihurant — doktar-aniestezijołah Arciom Sarokin. Z advakataŭ žurnalistki ŭziali padpisku pra nierazhałašeńnie, tamu padrabiaznaściaŭ kryminalnaj spravy my nie viedajem.

Adnak ź siužetu na STB stała zrazumieła, što papiaredniaje rasśledavańnie viaduć supracoŭniki Hienieralnaj prakuratury. Pa zakonie Hienieralnaja prakuratura maje prava jak nakiravać spravu dla rasśledavańnia ŭ śledčyja orhany (Śledčy kamitet abo Kamitet dziaržaŭnaj biaśpieki), tak i samastojna pravodzić papiaredniaje śledstva «u metach zabieśpiačeńnia ŭsiebakovaha, poŭnaha i abjektyŭnaha daśledavańnia abstavin kryminalnaj spravy» (art.34 KPK), apošniaje byvaje vielmi redka.

Amal tydzień Kaciaryna znachodziłasia ŭ śledčym izalatary KDB, adnak niadaŭna jana źjaviłasia ŭ śpisach SIZA № 1 na vulicy Vaładarskaha. Tut bytavyja ŭmovy horšyja.

Na dniach rodnyja i kalehi žurnalistki atrymali pieršyja listy ad jaje, samoj Kaciarynie pieradali pakul tolki adzin list. Z čym heta źviazana, pakul nieviadoma, dziasiatki ludziej užo adpravili listy žurnalistcy. Pa zakonie, supracoŭniki śledčaha izalatara ŭručajuć listy i telehramy nie paźniej čym u trochdzionny termin z dnia pastupleńnia lista, za vyklučeńniem śviatočnych i vychadnych dzion.

Adras dla listoŭ dla Kaciaryny Barysievič: SIZA №1 h. Minska, 220050, vuł. Vaładarskaha, 2 (Barysievič Kaciarynie Anatoljeŭnie).

29 listapada zakančvajecca 10 sutak z momantu zatrymańnia Kaciaryny. Da hetaha terminu joj pavinna być pradjaŭlenaje abvinavačvańnie (u prysutnaści abaroncy) i pryniata rašeńnie ab miery strymańnia.

Kamientary

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Usie naviny →
Usie naviny

Ź biełarusam tydzień niama suviazi paśla taho, jak jon pierasiok miažu z Polščaj1

88-hadovy apalny eks-kiraŭnik «Pinskdreva» Arynič žyvie ŭ Biełastoku ŭ zdymnaj kvatery za košt svajakoŭ2

Pamior Ihar Hips

«Kali ŭpała pieršaja ldzinka, ja zrazumieła, što ŭsio». Hrad pamieram z kurynaje jajka paškodziŭ mašynu biełaruski2

U Biełarusi zatrymali litoŭca, jaki abvinavačvajecca na radzimie ŭ zabojstvie2

Cichanoŭskaja: Abmiežavańni na miažy nie zakranuć aŭtobusy i maršrutki22

Litoviec raskazaŭ, jak trapiŭ u połk Kalinoŭskaha3

Palicyja zatrymała ŭ Varšavie biełarusa, jaki pryjšoŭ u ministerstva ź niebiaśpiečnymi pradmietami3

«Pakul uzajemnaści nie bačym». Łukašenka narakaje, što nie moža damovicca z Polščaj i Litvoju29

bolš čytanych navin
bolš łajkanych navin

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Hałoŭnaje
Usie naviny →