Mierkavańni

Biełarusy Bieniluksa apisali svaje ŭražańni ad Śviatłany Cichanoŭskaj

Śviatłana Cichanoŭskaja (sprava) i biełarusy Niderłandaŭ Źmicier Žaleźničenka i Darja Słabčanka (źleva). Fota z fejsbuka

«Sustrelisia našy sa Źmitrom dźvie Mary — adna naša maleńkaja dačuška Mara, inšaja — naša prezidentka Śvieta. Ciapier razam čakajem ździajśnieńnia treciaj, usiebiełaruskaj, Mary, a z nami čakaje ŭvieś śviet! — napisała ŭ siabie ŭ fejsbuku biełaruska Darja Słabčanka, jakaja žyvie ŭ Amsterdamie.

Źmicier — heta Darjin muž Źmicier Žaleźničenka. U svoj čas jaho, studenta-infarmatyka, adličyli z univiersiteta ŭ Homieli za palityčnuju aktyŭnaść i zabrali ŭ armiju. Paśla słužby jaho ŭ znak salidarnaści pryniaŭ univiersitet u Niderłandach. Tam jon advučyŭsia, tam ciapier i pracuje prahramistam. A svabodny čas (i hrošy) tracić na padtrymku ruchu za hramadzianskija pravy i zakonnaść u Biełarusi.

Źmicier i Darja śpiecyjalna rychtavalisia da vizitu Śviatłany Cichanoŭskaj u Niderłandy.

Darečy, da pryjezdu biełaruskaj delehacyi bieł-čyrvona-biełyja ściahi załunali na meryjach Amsterdama i Ejndchoviena.

Cichanoŭskaja mieła sustrečy z premjeram i ministram zamiežnych spraŭ.

«Pryjezd Śviatłany Cichanoŭskaj, jakuju tut sustrakali na samym vysokim uzroŭni, mieŭ vielizarnaje značeńnie, — raskazała «Našaj Nivie» Darja Słabčanka. — Pad jaje abajańnie trapili ŭsie, ad palicejskaha ŭ achovie da premjer-ministra. Parazmaŭlaŭšy trochi sa Śviatłanaj, mahu skazać, što heta toj redki typ čałavieka, jaki sapraŭdy lubić ludziej, joj nie važna, chto pierad joj, karol ci vałacuha, jana budzie bačyć nie status, a asobu. Mo ŭ hetym sakret jejnaha pośpiechu. Navat u karotkaj razmovie adčuvajecca, jak jana lubić Biełaruś, jak kachaje i čakaje muža, jak prapuskaje praź siabie bol kožnaha, chto ciapier tam. 

Cichanoŭskaja ŭ Amsterdamie sustrełasia taksama ź biełaruskaj dyjasparaj Niderłandaŭ i Bielhii, abmierkavała pryjarytety.

«Dziakuj usim, chto ŭ Biełarusi. I asabliva serca razryvajecca ciapier za matul i ciažarnych dziaŭčat. Ja razumieju, što ŭsie vy tam, maje siabry i nieznajomyja ludzi, zmahajeciesia i za volnuju Radzimu dla majoj dački, i ŭdziačnaść za heta nievymiernaja», — dadaje Darja Słabčanka.

Kamientary

Dar‘ja Łosik vyjšła na svabodu pa pamiłavańni12

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž6

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni12

Dar‘ja Łosik vyjšła na svabodu pa pamiłavańni

Hałoŭnaje
Usie naviny →