Hramadstva

Siamji salista choru «Unija» pahražajuć zabrać pryjomnaje dzicia. Baćki vychoŭvajuć jaho ŭžo piać hod 

Salist choru «Unija» Alaksandr Šyk i jaho žonka Maryna vychoŭvajuć troch synoŭ. Małodšy ź ich — pryjomny, jon žyvie ŭ siamji ŭžo piać hod. Ale paśla taho, jak baćki pabyvali ŭ izalatary, orhany apieki pryhrazili zabrać padletka.

Siamja Alaksandra i Maryny Šyk. Maksim — krajni źleva

Maryna raskazvaje, jak Maksim źjaviŭsia ŭ ich siamji:

«Raniej u jaho była pryjomnaja maci, ale jana pamierła. Pierad hetym paśpieła ŭładkavać dzicia ŭ sanatoryj u Astrašyckim haradku (dziciačaja balnica miedycynskaj reabilitacyi. — NN). Adtul my Maksima i zabrali, jon nie paśpieŭ patrapić ŭ dziciačy dom».

Za hetyja hady jany stali vielmi blizkija adno adnamu. Maksim navat pamianiaŭ pašpart — sam zachacieŭ mieć proźvišča pryjomnych baćkoŭ. Chłopcu ciapier 17, jon vučycca ŭ 11 kłasie.

Prablemy pačalisia paśla zatrymańniaŭ. Pa Marynu pryjechali 30 kastryčnika.

«Pryjšli dadomu supracoŭniki milicyi, spytali, z kim pražyvaju. Skazali, što moj telefon zafiksavany na masavym mierapryjemstvie, tamu treba prajechać u adździaleńnie milicyi: mahčyma, ja paznaju siabie na fota i videa. Nijakich zdymkaŭ mnie, kaniečnie, nie pakazali. Zavieźli spačatku ŭ Centralnaje RUUS, a potym na Akreścina».

Marynu zatrymali ŭ piatnicu, a ŭ paniadziełak Alaksandr pajechaŭ u sud, kab daviedacca raskład pasiadžeńniaŭ. Tam da jaho padyšli milicyjanty — zabrali i skłali pratakoł pa artykule 23.34.

Napisali, što Alaksandr udzielničaŭ u akcyi ŭ opiery: śpiavaŭ «Mahutny Boža», razmachvaŭ ściaham i kryčaŭ «Žyvie Biełaruś». Za heta salistu choru dali 15 sutak. A jaho žonku adpuścili ź izalatara ŭ toj ža dzień sa štrafam 810 rubloŭ.

Siamjoj zacikavilisia va ŭpraŭleńni adukacyi administracyi Partyzanskaha rajona. Spačatku zvanili Marynie (ale jana nie zmahła adkazać — muž paśla jaje zatrymańnia na ŭsiaki vypadak schavaŭ telefon), potym u škołu. Zaprasili na hutarku.

«Va ŭpraŭleńni adukacyi adrazu skazali: maŭlaŭ, kali vy ŭpeŭnieny ŭ svajoj racyi, źviartajciesia, my vam dapamožam, ale nie vierym, što vy ni ŭ čym nie vinavataja.

I dadali, što jak tolki maja pastanova suda ŭstupić u siłu, to jany razryvajuć sa mnoj damovu jak z pryjomnaj maci i zabirajuć dzicia ź siamji. Pakul rašeńnie nie ŭstupiła ŭ siłu, ja padała na abskardžvańnie, paŭtornaha suda jašče nie było», — dzielicca Maryna.

U škole na jaje i syna skłali dobruju charaktarystyku, orhany apieki, jakija niepasredna kuryrujuć siamju, taksama dali im stanoŭčuju acenku.

Ad Maksima baćki nie chavajuć situacyju.

«Jon u nas vieryć. My jamu kažam: samaje hałoŭnaje, što my ciabie lubim i nikudy nie addamo. Z astatnim raźbiaromsia».

«Naša Niva» źviazałasia z načalnicaj upraŭleńnia adukacyi administracyi Partyzanskaha rajona Vieranikaj Rudaj.

«Zakanadaŭstva nie dazvalaje razarvać damovu ab pryjomnaj siamji pa ździajśnieńni administracyjnaha pravaparušeńnia», — skazała jana. Pa zakonie nasamreč skasavać damovu pa inicyjatyvie orhanaŭ apieki možna ŭ vypadku ździejśnienaha baćkami złačynstva (a nie pravaparušeńnia). 

Biełaruski fond kulturnaj salidarnaści ŭ supracy ź mižnarodnymi partniorami zajmajecca hetaj situacyjaj.

U padtrymku chora «Unija» fond ładzić 21 listapada anłajn-tranślacyju ich kancerta z Čyrvonaha kaścioła.

Kamientary

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Źnikłaha ŭ Polščy biełarusa znajšli ŭ Varšavie źbitym i biez dakumientaŭ9

«Vada pranikła ŭnutr, zapoŭniła sałon mnie pa pojas, ruki treślisia». Chto taja dziaŭčyna z zapaminalnaha fota minskaha patopu3

U Biełarusi pačałasia pieradvybarčaja ahitacyja za Łukašenku FOTAFAKT31

Suśvietnyja ceny na kavu bjuć rekordy. Košt vašaha łate pad pahrozaj5

Vatykan pryznačyŭ lidskaha ksiandza Andreja Znoska biskupam. Roŭna hod tamu jaho zatrymlivali siłaviki

Stała viadoma, u čym padazrajuć Ramašeŭskuju, Dzikavickaha i inšych top-mieniedžaraŭ «Biełsata»20

U Italii žurnalistku aštrafavali za žarty pra rost premjer-ministra Miełoni — heta paličyli bodyšejminham1

Jak biełarusam jeździć praź miažu na aŭto, zarehistravanych u ES, kali biełaruskija numary akažucca pad poŭnaj zabaronaj4

«Nie chočuć razumieć, što heta vajna!» Łukašenka vykazaŭ pretenzii paciarpiełym ad bury25

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →