Pfizer pavysiła acenku efiektyŭnaści svajoj vakcyny ad COVID-19 da 95%
Farmaceŭtyčnaja kampanija Pfizer abviaściła pra 95-pracentnuju efiektyŭnaść vakcyny ad COVID-19, stvoranaj sumiesna z BioNTech. Paviedamleńnie ab zaviaršeńni treciaj fazy vyprabavańniaŭ vakcyny apublikavana na sajcie Pfizer, piša meduza.io.
Jak śćviardžaje kampanija, vakcyna pakazała efiektyŭnaść u zaležnaści ad uzrostu, rasy i etničnaj prynaležnaści paddoślednaść. Papiarednija vyniki vyprabavańniaŭ pakazvali 90-pracentnuju efiektyŭnaść, kazała Pfizer. Vakcyna akazałasia na 94% efiektyŭnaja dla ludziej, starejšych za 65 hadoŭ, śćviardžaje Pfizer.
The New York Times piša, što hetuju ŭzrostavuju hrupu składana abaranić z dapamohaj vakcyn navat ad zvyčajnaha hrypu.
Jak skazała vydańniu imunołah ź Jelskaha ŭniviersiteta Akika Ivasaki, taki vynik Pfizer «sapraŭdy vydatny».
Farmkampanija taksama adčytałasia ab adsutnaści surjoznych pabočnych efiektaŭ preparata.
U nastupnyja dni Pfizer źvierniecca va ŭpraŭleńnie pa kantroli za praduktami charčavańnia i lekami pry Ministerstvie achovy zdaroŭja ZŠA pa terminovy dazvoł na vakcynu.
Pieršyja dozy preparata Pfizer, vierahodna, atrymajuć miedrabotniki, a taksama ludzi ź inšych hrup ryzyki, naprykład pažyłyja, piša NYT.
Pfizer i BioNTech płanujuć u 2020 hodzie vypuścić 50 miljonaŭ doz vakcyny, u 2021 — 1,3 miljarda.
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści15
Kamientary