Zatrymanych siabraŭ Zadzinočańnia biełaruskich studentaŭ pryznali palitviaźniami
Byłyja i ciapierašnija studenty, siabry Zadzinočańnia biełaruskich studentaŭ Ksienija Syramałot, Ałana Hiebremaryjam (pradstaŭnik Cichanoŭskaj pa spravach moładzi), Jahor Kaniecki, Jana Arabiejka i Kasia Budźko, zatrymanyja 12 listapada ŭ miežach kryminalnaj spravy pa art. 342 KK RB (arhanizacyja ci ŭdzieł u hrupavych dziejańniach, što hruba parušajuć hramadski paradak), pryznanyja palityčnymi źniavolenymi.
Pra heta havorycca ŭ zajavie pravaabaroncaŭ.
Jany zaklikajuć nieadkładnaha vyzvaleńnia aktyvistaŭ ZBS dy ŭsich inšych palitviaźniaŭ, a taksama spynieńnia ŭsich uzbudžanych kryminalnych spraŭ suprać aktyvistaŭ niaŭradavych arhanizacyj, žurnalistaŭ, błohieraŭ, pravaabaroncaŭ, vałancioraŭ, naziralnikaŭ dy inšych udzielnikaŭ minułaj vybarčaj kampanii;
a taksama pieraścierahajuć ułady ad dalejšaha razhortvańnia represij i hvałtu suprać hramadzianskaj supolnaści, jaki supiarečyć nacyjanalnamu zakanadaŭstvu, kanstytucyi i mižnarodnym abaviazacielstvam krainy ŭ halinie pravoŭ čałavieka.
Kamientary