Cichanoŭskaja sustrełasia z meram Varšavy: uźniała pytańnie navučańnia studentaŭ i znachodžańnia biełarusaŭ u Polščy
Śviatłana Cichanoŭskaja robić vizit u Polšču. Siońnia jana sustrełasia z meram Varšavy Rafałam Tšaskoŭskim, paviedamlaje jaje telehram-kanał.
Cichanoŭskaja ŭźniała pytańnie sadziejničańnia biełarusam, jakija vymušana pakinuli svaju Radzimu i nie mohuć pracavać u Polščy. Rafał Tšaskoŭski adkazaŭ, što pradstaŭnik meryi zrobić zajavu siońnia na sustrečy sa Śviatłanaj u Centry biełaruskaj salidarnaści.
Tšaskoŭski taksama adznačyŭ, što isnuje mahčymaść stvareńnia śpiecyjalnych prahram dla biełaruskich studentaŭ. Śviatłana zrabiła akcent, što važna, kab biełarusy paśla navučańnia viartalisia ŭ svaju krainu — bo ŭsim biełarusam, jakija vymušana vyjechali, zaraz bolš za ŭsio chočacca viarnucca dadomu.
Tšaskoŭski taksama padtrymaŭ ideju, kab polskija mery sustrelisia ź lidarami biełaruskaha narodnaha samakiravańnia — tak jak heta dapamahło b pieraniać ich vopyt. Padobnaja prahrama była praviedziena niekalki hadoŭ tamu ź lidarami samakiravańnia ŭ Ukrainie.
Cichanoŭskaja ŭźniała pytańnie padtrymki spartoŭcaŭ, jakija praz palityčnyja pohlady byli zvolnienyja i stracili mahčymaść treniravacca i rychtavacca da spabornictvaŭ. Akramia taho, Śviatłana vykazała padziaku za padtrymku biełarusaŭ z boku polskaha ŭrada, dyjaspar, a taksama Centra biełaruskaj salidarnaści i Biełaruskaha doma.
Darečy Tšaskoŭski byŭ hałoŭnym supiernikam Andžeja Dudy na prezidenckich vybarach. U druhim tury Duda nabraŭ 51,03%, a Tšaskoŭski 48,97%. Ale vyniki skončylisia mirna, nikoha z kandydataŭ u turmu nie sadžali ni da vybaraŭ, ni paśla.
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj11
Kamientary