Niečakana straciła rabotu načalnica departamienta Minekanomiki Iryna Babačonak
Jak stała viadoma «Našaj Nivie», z dyrektarkaj Departamienta pa pradprymalnictvie Minekanomiki Irynaj Babačonak nie praciahnuli pracoŭnuju damovu.
Hetuju infarmacyju paćvierdziła sama Babačonak, ale admoviłasia ad dalejšych kamientaroŭ. Na sajcie Minekanomiki jaje imia dahetul jość.
Zvalnieńnie vyhladaje dziŭna z ulikam taho, što zusim niadaŭna — z paŭtara hoda tamu, — jana viarnułasia na rabotu z dekreta, pradstaŭlała dziaržavu ŭ mnohich mižnarodnych prajektach ź miljonnymi biudžetami, jakija ŭ pracesie realizacyi.
Kalehi dajuć Babačonak vysokuju acenku i kanstatujuć, što jana prykłała ruku da bieźličy sprobaŭ libieralizacyi biznesu, vystupała za admienu licenzavańnia mnohich vidaŭ dziejnaści.
Kalehi taksama kažuć pra palityčnuju matyvavanaść zvalnieńnia, a mienavita — fryvolnaje vykazvańnie na adras kiraŭnictva krainy.
Maŭlaŭ, spačatku havorka išła tolki pra panižeńnie, ale vyjšła voś tak.
Kamientary