Kultura

Klinaŭ, Višnieŭski i Zajac PC: 5 haračych padziej fiestyvalu «Pradmova»

U najbližejšyja dni paśla strajkaŭ i pratestaŭ treba naprastki iści na litaraturnyja iventy: z 15 da 18 kastryčnika ŭ Minsku ŭ Pałacy mastactvaŭ projdzie fiestyval intelektualnaj knihi «Pradmova» — jak vykazaŭsia adzin z arhanizataraŭ, fiestyval pad kulami. Tut adbuducca prezientacyi novych knih, sustrečy z aŭtarami i dyskusii — karaciej, usie hetyja refleksii, ź jakimi siońnia paprostu lahčej žyć. «Naša Niva» padabrała niekalki imprez «Pradmovy», vartych asobnaj uvahi.

Premija Hiedrojca

15 kastryčnika, 20.00 

Pačniom z pačatku: užo ŭ dzień adkryćcia fiestyvalu na jaho placoŭcy budzie ahučana imia łaŭreata premii Hiedrojca — najbujniejšaj i, napeŭna, najprestyžniejšaj niezaležnaj litaraturnaj premii ŭ krainie, jakaja ŭručajecca z 2012 hoda i raz-poraz supravadžajecca skandałami ŭ piśmieńnickaj tusoŭcy. Sioleta na jaje naminavany knihi šaści aŭtaraŭ: Adama Hłobusa, Andreja Adamoviča, Hanny Sieviaryniec, Volhi Hapiejevaj, Siarhieja Dubaŭca i Zarasłavy Kaminskaj.

Linor Haralik

Pad druhim punktam u nas kompleks mierapryjemstvaŭ, źviazanych ź imiem Linor Haralik — paetki, piśmieńnicy i stvaralnicy piersanaža Zajca PC. Hościa budzie ŭdzielničać u «Pradmovie» anłajn, ale tym nie mienš adkryje vystavu svaich komiksaŭ «Ja ŭsio vypraviŭ da horšaha: Zajac PC i jaho ŭjaŭnyja siabry», razam z aŭtaram «Adzinoty ŭ siecivie» Janušam Leonam Višnieŭskim paŭdzielničaje ŭ dyskusii pra piśmieńnika i vykliki času, a razam ź Viktaram Marcinovičam parazvažaje pra toje, čamu pišucca antyŭtopii.

Januš Višnieŭski

16 kastryčnika, 17.00

Što da polskaha piśmieńnika Januša Leona Višnieŭskaha, to jon nie tolki dałučycca da ŭžo zhadanaj sustrečy, ale i asabista pradstavić pierakład na biełaruskuju movu svajoj knihi «Kaniec adzinoty», što słužyć praciaham biestsielera «Adzinota ŭ siecivie». U svoj čas aŭtar kłapaciŭsia ab tym, kab pierakład «Kanca» na biełaruskuju movu vyjšaŭ chutčej, čym pierakład na ruskuju. Na prezientacyi piśmieńnik razam ź pierakładčycaj Hannaj Jankuta parazvažaje pra svaich piersanažaŭ, a taksama pra toje, «ci pracujuć praz 20 hadoŭ tyja ž pryjomy «litaraturnych stasunkaŭ u siecivie».

Film «Voziera radaści»

18 kastryčnika, 12.00 

Toj redki vypadak, kali biełaruskaja litaratura ŭvasablajecca ŭ biełaruskim kino, možna budzie abmierkavać na pakazie i abmierkavańni karotkamietražnaha filma «Voziera radaści», jaki Alaksiej Pałujan źniaŭ pavodle adnajmiennaj knihi Viktara Marcinoviča. U sustrečy buduć udzielničać ułasna Viktar Marcinovič i Mikałaj Łaŭraniuk, što źbiraje biełaruskuju častku kinafiestyvalu «Listapad».

Prezientacyja «Łokisaŭ» Artura Klinava

18 kastryčnika, 17.00

Hod tamu piśmieńnik, mastak i jašče šmat chto Artur Klinaŭ skončyŭ knihu «Łokisaŭ», dzie z absurdnymi pryhodami i vidavočnymi adsyłkami da biełaruskaj rečaisnaści raskazvajecca pra revalucyju ŭ nievialikim biełaruskim miastečku. U apošnija miesiacy kniha vyjaviłasia asabliva aktualnaj i navat prarockaj — peŭna, heta i stanie hałoŭnaj temaj prezientacyi, zrešty, novy tvor aŭtara ramanaŭ «Minsk. Horad Sonca» i «Šałom» cikavy sam pa sabie.

Padrabiaznuju prahramu fiestyvalu i raskład padziej možna pahladzieć tut

Kamientary

Nazirajecca maštabny zboj elektroniki pa ŭsim śviecie. Aeraporty admianiajuć paloty5

Nazirajecca maštabny zboj elektroniki pa ŭsim śviecie. Aeraporty admianiajuć paloty

Usie naviny →
Usie naviny

Sinoptyki sprahnazavali, čaho ad nadvorja čakać zaŭtra

«Mianie kupili za $680». Biełarusy raskazali, jak trapili ŭ rabstva ŭ Rasii5

U BDU nazvali śpiecyjalnaści z samym vialikim konkursam — 19 čałaviek na miesca2

Pieciarburhski muziej abvinavacili ŭ prapahandzie nacyzmu za łozunh «Žyvie Biełaruś» na karcinie11

Na Śvisłačy ŭ parku Horkaha repiecirujuć vodnuju fiejeryju — VIDEA dnia3

Sinoptyki prahnazujuć, što navalnicy buduć u Minsku da kanca dnia2

Biełaruskaja prapahanda stvaryła tabłoid «Piatnica». Jaki vychodzić u sieradu9

U Minsku zatapiła i stancyju mietro «Uschod». Adnak zakryvać jaje nie stali VIDEA1

Redaktarku haziety Mazyrskaha NPZ, jakuju zatrymlivali za «ekstremizm», zvolnili i zamianili na prapahandysta z Rahačova

bolš čytanych navin
bolš łajkanych navin

Nazirajecca maštabny zboj elektroniki pa ŭsim śviecie. Aeraporty admianiajuć paloty5

Nazirajecca maštabny zboj elektroniki pa ŭsim śviecie. Aeraporty admianiajuć paloty

Hałoŭnaje
Usie naviny →